Actor-politiko, grabe mag-bribe

MISMONG ang isang barangay chairman na ang nagsiwalat kung gaano pala kagrabe mag-bribe ang isang aktor-politiko sa isang lalawigang nasasakupan niya.

“Lokal na lider pa namin noon ang actor-turned-politician na ito,” simulang kuwento ng aming source.

Kapag natunugan kasi ng aktor na ito na hindi siya suportado ng mga kapitan ng barangay ay ipinatatawag niya ang mga ito para personal na harapin sa kanyang opisina.

“’Eto ang kalahating milyong piso, manahimik ka na lang. Kung sinumang kandidato ang sinusuportahan mo na kalaban ko, quiet ka na lang,” pagbubunyag ng isang barangay chairman sa pakikipagharap sa actor-politiko.

Bagama’t naroon daw ang galak ng kapitan sa ipinagduduldulang pera’y hindi raw maiaalis sa kanya ang matinding takot. “Paano kung hindi niya sunggaban ang half a millon pesos na iniaalok ng aktor, eh, ‘di alam na kung saan siya pupulutin?”

Pikit-mata na lang daw ibinulsa ng kapitan ang suhol ng actor-politician na itago na lang natin sa alyas na Bonifacio Ripapipaps.

(Ronnie Carrasco III)