Ex-parak, anak arestado sa P3.4-M shabu

ARESTADO ang isang dating pulis at ang kan­yang anak sa ikina­sang buy-bust operation ng mga operatiba ng Philip­pine Drug Enforcement Agency (PDEA) sa Caloocan City, kama­kalawa ng hapon.

Kinilala ang mga suspek na sina dating S/Insp. Eddie Anian Arajil, nakatalaga sa Quezon City Police station noong 2004, at Ambedkhar Jam­maf Arajil, 40, kap­wa tubong Jolo, Sulu.

Batay sa ulat ni Regional Director Levi Ortiz, dakong 4:30 pm nang magsagawa ng buy-bust operation sa tapat ng isang convenience store sa Quirino Highway, sa nasabing lungsod.

Nakuha sa aresta­dong mag-ama ang 500 grams ng high grade shabu, tinatayang P3.4 milyon ang street value, at P3.4 milyon boodle marked money.

Ayon sa pulisya, ang hinihinalang shabu ay mula sa Malaysia at ibinabagsak ng mag-ama sa Zamboanga at ibini­biyahe sa Maynila.

Ayon kay Ortiz, noong Marso 2018 unang nahuli ang misis ni Arajil sa kasong droga at kasa­lukuyan pang naka­kulong.

(ROMMEL SALES)