Saturday , April 13 2024

Standhardinger maaaring ‘di makalaro sa 3×3 World Cup

“THERE’S no guarantee.”

Iyan ang pahayag ng San Miguel prized rookie na si Christian Standhardinger nang tanungin kung makalalaro ba siya para sa Gilas Pilipinas sa nalalapit na 2018 FIBA 3×3 World Cup na magsisimula bukas sa Philippine Arena.

Kasalukuyang nagpapagaling ang 6’8 na si Standhardinger sa kanyang swollen knee injury na naging dahilan ng hindi niya paglalaro sa nakalipas na buong linggo para sa koponang Beermen sa idinaraos na 2018 PBA Commissioner’s Cup.

“I can only say day by day. I hope it doesn’t swell up more. Obviously I’m trying everything in my power to play on Saturday,” dagdag ni Standhardinger sa kanyang sitwasyon na aniya’y ginagawa ang lahat pati ng San Miguel staff upang maging handa siya sa 3×3 World Cup.

Sumailalim na si Standhardinger sa magnetic resonance imaging (MRI) test at wala namang nakitang punit sa kanyang tuhod ngunit nananatiling maga ito na dahilan kaya’t hindi siya nakalalahok sa anomang contact at on-court practices sa SMB gayondin sa Gilas.

Sa kabila nito, nangako si Standhardinger na pipilitin ang lahat sa nalalabing araw upang makapaglaro pa rin para sa bansa.

“I’ll do everything in my power to play for Gilas, to play 3×3 and to represent the country,” pagtatapos niya.

Ito ang kauna-unahang pagkakataon na magho-host ang Filipinas ng prestihiyosong 3×3 World Cup kaya’t nagsalang ng malakas na koponan sa pangunguna ni Standhardinger na inianunsiyo ng Samahang Basketbol ng Pilipinas at ng PBA noong nakaraang  buwan.

Kasama ni Standhardinger sa misyong maprotektahan ang homecourt ng Filipinas sina Stanley Pringle ng Globalport gayondin sina Roger Pogoy at Troy Rosario ng Talk ‘N Text.

Masusubukan ang kilatis ng Gilas kontra sa Brazil at Mongolia bukas (Sabado) sa simula ng aksiyon sa Pool C.

Magpapahinga ang pambansang koponan sa Linggo bago sumalang ulit sa Lunes kontra naman sa Canada at Russia sa pagtatapos ng kanilang kampanya sa Group Phase.

ni John Bryan Ulanday

About John Bryan Ulanday

Check Also

Sambo PH team TOPS Paolo Tancontian Ace Larida

Sambo PH team potensiyal sa int’l arena

KUNG medalyang ginto ang nais ng sambayanan mula sa contact sports, ibilang ang Sambo sa …

Smart Asian Volleyball Confederation Nuvali

Asia’s beach volleyball squads maglalaban sa Smart AVC Beach Tour Nuvali Open

ELITE action returns sa world-class Nuvali Sand Courts sa City of Santa Rosa at ang …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …

Kheith Ryhnne Cruz TOPS Olympic

TOPS Olympic slots, target ni table tennis star Kheith Rhynne Cruz

MABIGAT ang hamon na kakaharapin ni Pinay table tennis phenom Kheith Ryhnne Cruz para sa …

Leave a Reply

Your email address will not be published. Required fields are marked *