Monday , June 24 2024

The Jackal, kailangang supilin ng Filipino Flash

SA bulubundukin, umaawit ng papuri ang mga bandido sa Filipino Flash, Nonito Donaire — ito’y mga awit ng katapangan, pagsamba at respeto para sa maliit na mandirigmang kasalukuyan ay nasa kampanya ng pagbibigay parangal sa bansa sa Belfast sa Northern Ireland.

Sa nalalapit na Sabado ng gabi, Abril 21, nakatakdang harapin ni Donaire si Carl Frampton, na mas kilala bilang The Jackal at kinikilalang idolo sa mga lansangan ng kabiserang lungsod ng Northern Ireland. Paglalabanan nila ang interim featherweight title ng World Boxing Organization, na secondary prize sa gabi kung kailan ang tunay na premyo ay patuloy na paglaban sa top le­vel ng mga featherweight.

“The fight for a future is always the best type of fight in the boxing game where the costume belts are often clutter,” obserbasyon ng isang boxing fan.

Naging world champion si Donaire sa apat na magkakaibang weight class, unang nagwagi sa flyweight noong 2007, na tumagal nang 12-taon walang talo at ngayon, sa edad na 35-anyos, ay mas malapit siya sa kinatatakutang exit kay Frampton. Tanging apat na talo lamang ang masasabing bahid sa boxing record ng The Flash sa 42 laban, at isa rito ay noong batambata pa siya sa kanyang ikalawang laban.

Ang paglipat mula sa isang eight-stone fighter sa nine, ang mabagal na paglipat mula sa flyweight sa mga division tungo sa featherweight ay isang bagay na siya lang at ang Pambansang Kamao, Manny Pacquiao, ang nakagawa. Nagsimula si Pacman bilang flyweight at tumaas pa siya sa light-middleweight.

Ayon sa promoter ng People’s Champ na si Bob Arum, marahil ‘the greatest ever,’ naniniwala siyang hindi kailanman malalaman kung ano ang naging tunay na bigat at laki ni Pacquiao dahil noong kabataan ng kampeon ay sadyang malnutrisyon ang kanyang sinagupa. Hindi ganito ang naranasan ni Do­naire.

“I’m finding the weight now and I don’t feel like I’m carrying any extra weight,” pahayag ng The Flash sa panayam.

Natalo siya sa isang version ng featherweight world title noong 2014 sa mapanganib na fighter na kung tawagin ay Nicholas Walters.

“I was not strong enough at that time, now I’m a proper featherweight.” Wika ni Frampton, na tulad ni Donaire ay humawak din ng world title sa mas mababang timbang na super-bantam bago umangat sa featherweight.

Sa Sabado, ang mapait ngunit tunay na kuwento ay nakatutok sa magiging talunan at kung gaano kaliit ang matitirang oportunidad para sa kanya sa sandaling nag-empake na siya at lisanin ang dressing room.

Rematch lamang ang ‘best option’ para sa natalong mandirigma.

ni Tracy Cabrera

About Tracy Cabrera

Check Also

2nd Gov Henry S Oaminal chessfest

2nd Gov. Henry S. Oaminal chessfest sumusulong na

Clarin, Misamis Occidental — Susubukan muli ng mga nangungunang manlalaro ng chess ng bansa ang …

Eric Buhain Chito Rivera Jamesray Mishael Ajido

PAI National Age-Group Championships sisimulan sa pagpupugay kay Rivera

NAKATAKDANG lumarga ngayong araw, Biyernes, 21 Hunyo, ang Philippine Aquatics, Inc. (PAI) 1st National Age …

VINNY Marcos Volleyball FIVB men’s worlds

Vinny Marcos nanguna sa ceremonial launch ng 2025 FIVB men’s worlds

IPINAKITA ng anak ng Pangulo na si William Vincent “Vinny” Araneta Marcos ang pagmamalaki at …

Brazil nanaig vs Netherlands sa VNL Week 3

Brazil nanaig vs Netherlands sa VNL Week 3

PASAY CITY – Bumangon ang Brazil mula sa first-set loss para talunin ang Netherlands sa …

Team Seirin JCI Senate Lipa Open Rapid chess

Team Seirin dinala ni Cu sa tagumpay

Lipa City, Batangas — Nanguna ang Team Seirin sa open division ng JCI Senate Lipa …

Leave a Reply

Your email address will not be published. Required fields are marked *