Friday , March 31 2023
paul lee kiefer ravena

2-0 target ng NLEX

KAKAPITAN muli  ng NLEX si rookie Kiefer Ravena pagharap nila ngayong alas-7 ng gabi laban sa Magnolia Hotshots sa Game 2 ng PBA Philippine Cup semifinals sa Mall of Asia Arena, Pasay City.

Nagsalpak ng mahahalagang puntos  at plays si Ravena  sa endgame sa Game 1 upang kalusin ang Magnolia Hotshots, 88-87 at makauna sa kanilang best-of-seven series.

Nakatuwang ni Ravena si Alex Mallari na nag­baon din ng importanteng puntos upang ibalik sa Road Warriors ang bandera sa huling dalawang minuto ng bakbakan.

Nakapagtala ng 16 points si former King Eagle Ravena pero ang dalawa sa naging susi sa kanilang panalo ay ang pasa nito kay Mallari para sa  go-ahead three-pointer at steal nito kay Hotshots center Rafi Reavis.

“As I’ve said before, we’re just in this for the ride,” saad ni NLEX head coach Yeng Guiao. “This is an adventure for us as a team. We’re just enjoying. Para kaming gatecrashers sa party. Nandito pa rin kami.”

Si Cyrus Baguio ang namuno sa opensa para sa Road Warriors na kumana ng 17 puntos habang 14 ang inambag ni Mallari.

Masaklap ang pag-katalo ng Pambansang Manok Magnolia dahil bukod sa naunahan sila sa serye ay nagkaroon pa ng injury si power forward Marc Pingris.

Kaya naman kailangan magdoble kayod ang malalaki ng Magnolia na sina Ian Sangalang at Reavis dahil posibleng hindi makalaro si Pingris nga­yon.

Kasama sa sasandalan ni Hotshots coach Chito Victolero sina Paul Lee, Mark Barroca at veteran PJ Simon.

(ARABELA PRINCESS DAWA)

About Arabela Princess Dawa

Check Also

George Clevic Daluz Golden Goggles swim series

Daluz ng Batangas tatlong medalyang ginto sa Golden Goggles swim series

PINANGUNAHAN ng tubong Batangas na si George Clevic Daluz ang limang promising tanker para sa …

Marian Calimbo

Cebuana chesser nakatutok sa Malaysia tourney

MANILA — Isang 20-anyos chess player mula Malabuyoc, Cebu ang nakatakdang lumipad sa Malaysia para …

SLP-PH humakot ng 61 medalya sa AOS tilt sa Thailand

SLP-PH humakot ng 61 medalya sa AOS tilt sa Thailand

HUMAKOT ang Swimming League Philippines – Team Philippines (SLP-PH) nang kabuuang 61 medalya, kabilang ang …

Buhain COPA Swimming

Suporta ng COPA sa ‘Stabilization Committee’ — Buhain

IDINEKLARANG tagumpay ang ikinasang National swimming tryouts ng Stabilization Committee na nilahukan ng 188 atleta …

Darren Evangelista Langoy Pilipinas

Top swimmers ng Langoy Pilipinas sasabak sa Guam

KASADO na ang programa para sa international exposure ng mga batang medalists at promising swimmers …

Leave a Reply

Your email address will not be published. Required fields are marked *