Tuesday , April 16 2024

Warriors, ‘di pinatawad ang Cavs (Walang Pasko-Pasko)

KAHIT Pasko ay hindi pa rin pinagbigyan ng nagdedepensang kampeon na Golden State Warriors ang karibal na Cleveland Cavaliers nang ungusan ito, 99-92 kahapon sa Christmas Game offering ng 2017-2018 National Basketball Association Season sa Oracle Arena sa Oakland, California.

Binuhat ng nagdedepensang Finals Most Valuable Player na si Kevin Durant and Warriors sa unang bahagi bago nga ipaubaya kay Klay Thompson ang hulihan sa pagkamada ng huling pitong puntos ng laro upang mabasag ang 92-tabla tungo sa panalo ng Warriors kahit wala ang isa pang pambato na si Stephen Curry.

Buhol sa 92-tabla sa huling minuto, nagpakawala si Thompson ng pitong sunod na puntos upang wakasan ang pag-asa ng Cavs na masilat ng panalo sa road game. Nagtapos siya 24 puntos mula sa apat na tres at sinahugan pa ng 7 rebounds at dalawang assists.

Sumuporta naman si Durant sa kanyang 25 puntos, 7 rebounds at 5 tapal habang may triple double si Draymond Green sa inilistang 12 puntos, 12 rebounds at 11 assists.

Samantala, nauwi naman sa wala ang 31 puntos at 18 puntos ni Kevin Love gayundin ang 20 puntos, 6 na rebounds at 6 na assists ni LeBron James.

Umangat sa 27-7 ang kartada ng Warriors habang nahulog naman sa 24-10 ang Cavaliers.



Samantala, sa iba pang resulta ng laro sa Pasko, dinaig ng Sixers ang Knicks, 105-98;

Panis ang Celtics sa Wizards, 111-103;

Iwan ang Rockets sa Thunder, 112-107

at nilamon ng Timberwolves ang Lakers, 121-104.

ni John Bryan Ulanday

About John Bryan Ulanday

Check Also

MILO 60th Anniversary

 MILO Philippines kicks off 60TH year celebration;  underpins commitment to grassroots sports development

15 April 2024 | Manila, Philippines – In a celebration event to mark its 60th …

Sambo PH team TOPS Paolo Tancontian Ace Larida

Sambo PH team potensiyal sa int’l arena

KUNG medalyang ginto ang nais ng sambayanan mula sa contact sports, ibilang ang Sambo sa …

Smart Asian Volleyball Confederation Nuvali

Asia’s beach volleyball squads maglalaban sa Smart AVC Beach Tour Nuvali Open

ELITE action returns sa world-class Nuvali Sand Courts sa City of Santa Rosa at ang …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …

Leave a Reply

Your email address will not be published. Required fields are marked *