Sunday , November 28 2021

Super Rookie: Ravena beterano kung lumaro

HINDI isang bagito kundi beterano kung gumalaw ang super rookie na si Kiefer Ravena matapos ang pagpapasiklab sa kanyang unang dalawang laro sa Philippine Basketball Association.

Napili bilang ikalawang overall pick ng NLEX Road Warriors sa 2017 PBA Rookie Draft, unti-unti ay pinapatunayan ng 24-anyos na si Ravena na isa siya sa mga dapat katakutan sa kalaunan ng kanyang karera.

Nitong 17 Disyembre, nagpasiklab ang dating King Eagle mula sa Ateneo De Manila University sa muntikang triple double na 18 puntos, 12 assists at 7 rebounds sa 119-115 panalo ng NLEX kontra KIA.

Ito ang pinakamagandang debut para kahit kaninong freshman simula nang maglista si Johnny Abarrientos para sa Alaska ng pambihirang 20 puntos, 8 rebounds, 11 assists at 5 steals sa 113-103 kabiguan nila kontra sa Swift noong 1993.

At nitong Pasko ay muling nagpamalas si Ravena sa 115-104 panalo ng NLEX kotnra Globalport sa Philippine Arena sa Bocaue, Bulacan.



Nagbuslo ang anak ng dating PBA player na si Bong, ng 20 puntos, 5 assists, 4 steals, 2 rebounds at wala ni isang turnover sa halos 30 minutong aksiyon upang paigitingin ang kanyang kampanya sa Rookie of The Year na parangal bagamat dalawang laro pa lamang sa torneo.

Hindi na ito kataka-taka dahil sa lahat ng rookies ay si Ravena na marahil ang pinakahinog sa lahat. Bago sumalang sa PBA ay nag-ensayo sa koponang Texas Legends sa NBA G-League si Ravena bukod pa sa pagiging miyembro ng Gilas Pilipinas.

Siya ang katangi-tanging manlalarong Pinoy na nagwagi ng apat na gintong medalya sa basketball matapos akayin sa kampeonato ang Filipinas sa 29th Southeast Asian Games ngayong taon na ginanap sa Kuala Lumpur, Malaysia.

Nagsisimula pa lang ang paglalakbay niya, pero isa lamang ang tiyak, iyon ang kasiguruhan na malayo ang malilipad ni Ravena.

ni John Bryan Ulanday

About John Bryan Ulanday

Check Also

Jonas Sultan, Carlos Caraballo

Sultan tinibag si Caraballo via unanimous decision

HINDI kinatakutan ni Pinoy boxer at dating world title challenger Jonas Sultan ang karta ni …

Logan Paul, Mike Tyson

Tyson vs Paul sa Pebrero 2022

KINUMPIRMA ni dating undisputed heavyweight champion Mike Tyson na babalik siya sa boxing ring sa …

Dwight Ramos, Toyama Grouses

Aomori tinambakan ng Toyoma, 105-71

PINAGPAHINGA na lang si Dwight Ramos ng Toyama Grouses nang tambakan nila ang Aomori Wat’s sa iskor …

Floyd Mayweather, Michael Jordan, David Beckham

Jordan mas mayaman pa kina Mayweather at Beckham

TINATAYANG sina Floyd “Money” Mayweather at David Beckham ang pinakamayamang atleta  sa lahat ng panahon, …

PSC, PSI, NSCCC

300 coaches nakinabang sa PSC’s sport-specific lectures

NAKATANGGAP ang 300 partisipante  ng online sports specific lectures sa athletics, badminton, at volleyball sa …

Leave a Reply