Tuesday , July 5 2022

Marcial PBA OIC (Narvasa, nagbitiw na sa puwesto)

NAGBITIW na sa kanyang puwesto bilang Commissioner ng Philippine Basketball Association si Chito Narvasa at hahalili sa kanya bilang Officer-in-Charge o OIC Si Media Bureau chief Willie Marcial.

Ito ang kagimbal-gimbal na ulat na inianunsiyo ng PBA Board of Governors kahapon sa biglaang press conference ilang minuto bago ang opening ng 43rd season ng PBA.

Ayon sa board, isinumite ni Narvasa ang kanyang pagbibitiw kahapon din na dapat ay epektibo kaagad.

Ngunit nakiusap ang PBA Board na palawigin ito hanggang 31 Disyembre 2017 upang magkaroon ng banayad na pagpasa ng mga gawain sa PBA sa bagong tapamahala na si Marcial.

Magsisilbi bilang OIC na magpapatakbo sa araw-araw na pamamalakad sa liga si Marcial hanggang mapangalanan ang susunod na Commissioner.

Kamakalawa ay napaulat na ang pagbibitiw ni Narvasa at ang pagbuo ng tinatawag na transition team para sa kanyang pag-alis ngunit kahapon lamang ito nakompirma nang magpakita ng puwersa ang PBA Board sa pagkakaisa para sa pagpapatuloy ng liga.

Magugunitang noong nakaraang buwan ay nagkagulo ang liga ukol sa puwesto ni Narvasa. Nahati sa dalawang paksyon ang 12 Governors.

Pitong koponan ang sumuporta na huwag nang palawigin ang termino ni Narvasa habang lima naman ang nanindigan na manatili pa bilang Commissioner ng liga si Narvasa.

Nagresulta ito sa mahabang hindi  pagkakaunawaan sa loob ng pinakaunang liga sa Asya.

Nagkaroon ng agam-agam na hindi matutuloy ang ika-43 taon ng liga.

Ngunit inianunsiyo ang opisyal na simula nito nitong Miyerkoles sa ginanap na press conference na dumalo ang lahat ng 12 Governors na siyang unang pagtitipon nila pagkatapos ng isang buwan.

Ngayon, ibinaon na sa limot ng liga ang mga nangyaring hindi pagkakaunawaan at handa nang magpatuloy sa ika-43 taon.

Habang isinusulat ang balita ay nagaganap ang opening ceremonies ng PBA na pumarada ang 12 koponan kasama ang kanilang 12 muses bago ang magaganap na sagupaan sa pagitan ng San Miguel at Phoenix sa ganap na 6:45 ng gabi.

ni John Bryan Ulanday

About John Bryan Ulanday

Check Also

Gary Payton II

$28 Million deal sa Trail Blazers isinapinal ni Gary Payton II

ISINAPINAL ni Gary Payton II ang 3-year, $28 million deal sa Trail Blazers,  ayon sa …

Zolani Tete Jason Cunningham

Zolani Tete giniba si Jason Cunningham sa 4th round

NASA radar na muli ni dating two-weight world champion Zolani Tete ang isa pang pagkakataon …

Rene Mark Cuarto

Cuarto talo kay Valladeres via split decision

NAYARI ang koronang hawak ni Rene Mark Cuarto ng Pilipinas  nang talunin siya ni Mexican …

Kevin Arquero

Arquero naghari sa Marikina Chess Tourney

PINAGHARIAN ni Kevin Arquero ng Pasay City ang katatapos na Chess for Christ Rapid Chess …

Ivan Travis Cu Chess

Cu kampeon sa Under-13 Open Nat’l Youth & Schools Chess Championship semi-finals

MULING pinatunayan ni National Master Ivan Travis Cu ng San Juan City ang kanyang husay …

Leave a Reply