Tuesday , July 5 2022

James ejected (Sa kauna-unahang pagkakataon)

SA 1,081 salang sa regular season ng  National Basketball Association, hindi pa napapaalis sa laro si LeBron James.

Ngunit natapos na ang streak na iyon nang mapatanggal niya sa kanyang ika-1082 laro at ika-1299 kung isasama ang playoffs sa kalagitnaan ng kanilang 108-97 panalo kontra Miami Heat kahapon sa umaatikabong 2017-2018 season.

Sa 1:56 marka ng ikatlong kanto kung kailan lamang ang Cavs, 93-70 kontra sa Heat, nasaksihang nagpakawala ng suntok sa hangin si James at kinompronta ang referee na si Kane Fitzgerald na nagresulta sa kanyang dalawang magkasunod na technical tungo sa ejection.

Sa kabila nito, nagtapos pa rin si James na may 21 puntos, 12 rebounds, 6 steals at 5 assists sa ika-9 na  sunod na panalo ng Cavs. Ikatlo  na ngayon ang Cleveland sa Eastern Conference sa 14-7 kartada matapos ang maalat na 5-7 simula.

Humalalili si Kevin Love sa kanyang kakampi sa pagkayod ng 38 puntos at 9 na rebounds sa 25 minuto lamang.

Sa iba pang resulta ng NBA, tinusta ng Suns ang Bulls, 104-99, umeskapo ang Wizards sa Timberwolves, 92-89, binaon ng Jazz ang Nuggets, 106-77 at tinambakan ng Bucks ang Kings, 112-87.

Sa mga laro ngayong araw, babalikwas ang Miami sa New York, babawi rin ang Phoenix sa Detroit, maghaharap ang Oklahoma at Orlando gayondin ay magsasagupa ang Washington at Philadelpia.

Magsasalpokan ang Hornets at Raptors, Rockets kontra Pacers, Wolves at Pelicans, Nets at Mavericks gayondin ang Spurs-Grizzlies at Warriors-Lakers. (JBU)

About John Bryan Ulanday

Check Also

Gary Payton II

$28 Million deal sa Trail Blazers isinapinal ni Gary Payton II

ISINAPINAL ni Gary Payton II ang 3-year, $28 million deal sa Trail Blazers,  ayon sa …

Zolani Tete Jason Cunningham

Zolani Tete giniba si Jason Cunningham sa 4th round

NASA radar na muli ni dating two-weight world champion Zolani Tete ang isa pang pagkakataon …

Rene Mark Cuarto

Cuarto talo kay Valladeres via split decision

NAYARI ang koronang hawak ni Rene Mark Cuarto ng Pilipinas  nang talunin siya ni Mexican …

Kevin Arquero

Arquero naghari sa Marikina Chess Tourney

PINAGHARIAN ni Kevin Arquero ng Pasay City ang katatapos na Chess for Christ Rapid Chess …

Ivan Travis Cu Chess

Cu kampeon sa Under-13 Open Nat’l Youth & Schools Chess Championship semi-finals

MULING pinatunayan ni National Master Ivan Travis Cu ng San Juan City ang kanyang husay …

Leave a Reply