Wednesday , April 17 2024

Nabong sinuspendi ng Meralco

PINATAWAN ng suspensiyon ng Meralco Bolts si Kelly Nabong makaraan ang alitan kontra sa assistant coach na si Jimmy Alapag.
Magugunitang sa Game 1 ng PBA Govs’ Cup semis sa pagitan ng Bolts at Star Hotshots noong linggo ay nagkakomprontahan si Nabong at si Alapag sa time-out na krusyal na hinahabol ng Meralco ang 11 puntos na pagkakabaon sa huling limang minuto.
Naawat ang dalawa ngunit nagmatigas pa rin si Nabong at hindi sumama sa huddle ng Meralco nang magawa niyang makabangon tungo sa 72-66 panalo sa Game 1.
Hindi rin pinaglaro si Nabong sa 98-74 pagtambak ng Meralco sa Star para sa malaking 2-0 bentaha sa serye at makalapit nang isang panalong lamang mula sa pagbabalik sa Finals matapos ang pagyukod kontra Ginebra noong nakaraang taon.
“Kelly Nabong is suspended indefinitely for conduct unbecoming of a PBA player and for conduct detrimental to the team,’ nakasaad sa pahayag na inilabas ng Meralco management kamakalawa.
Si Nabong ay napili bilang 17th overall pick noong 2012 ng Rain or Shine bago nalipat sa Globalport noong 2013 hanggang 2015 at sa Meralco buhat ng taong yaon.
Matatandaan na noong 2013, ang Filipino-American ay nasa Batang Pier pa ay nasangkot sa suntukan kontra kay Marc Pingris ng San Mig Coffee (ngayon ay Star) na nagresulta rin sa multa at suspensiyon.
Samantala, tatangkaing walisin ng Meralco ang serye ngayon upang makatuntong sa Finals at makaabang ng mananalo sa Ginebra kontra TNT. Pangungunahan ni Allen Durham na nagkamal ng 18 puntos, 25 rebounds, limang assists at tatllong supalpal ang misyon ng Bolts. (JBU)

About John Bryan Ulanday

Check Also

BUCAA Bulacan Daniel Fernando

Sa Liga ng Palarong Basketball ng BUCAA  
MAGLARO NANG MAY PUSO — GOV. DANIEL FERNANDO

“MAGLARO kayo nang may puso. Ipakita ninyo ang pagmamahal ninyo sa sports. Tandaan ninyo, ang …

MILO 60th Anniversary

 MILO Philippines kicks off 60TH year celebration;  underpins commitment to grassroots sports development

15 April 2024 | Manila, Philippines – In a celebration event to mark its 60th …

Sambo PH team TOPS Paolo Tancontian Ace Larida

Sambo PH team potensiyal sa int’l arena

KUNG medalyang ginto ang nais ng sambayanan mula sa contact sports, ibilang ang Sambo sa …

Smart Asian Volleyball Confederation Nuvali

Asia’s beach volleyball squads maglalaban sa Smart AVC Beach Tour Nuvali Open

ELITE action returns sa world-class Nuvali Sand Courts sa City of Santa Rosa at ang …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Leave a Reply

Your email address will not be published. Required fields are marked *