Wednesday , April 17 2024

East vs West sa All Star tinanggal na ng NBA

LEBRON James at Stephen Curry sa isang koponan? Muling pagsasama ni Russel Westbrook at Kevin Durant?
Ilan lamang iyan sa mga posibleng mangyari sa darating na 2018 National Basketball Association All Star sa Los Angeles, California makalipas ang mga pagbabagong ipapatupad ng liga simula ngayong taon.
Napagkasunduan ng NBA at ng NBPA (National Basketball Players Association) na alisin na ang East vs West na All-Star game bagkus ay pipili ng 24 na pinakamagagaling na manlalaro kahit saang komperensiya nagmula.
Ang naturang pagbabago sa All Star Game ay upang maging balance ang parehong koponan at mapaganda ang laro na sa mga nakalipas na taon ay nagiging waring exhibition lamang dahil walang depensa, panay slam dunks at tres lamang na kompetisyon.
Ngunit para sa starters ay magkakaroon ng botohan tulad ng mga nakaraang taon. Ang manlalarong makakukuha ng pinakamataas na boto sa East at sa West ay tatayong kapitan ng bawat koponan at siyang magkakaroon ng karapatang mamili ng kahit sinong naisin niyang manlalaro kahit pa sa kabila ng komperensiya manggagaling.
Pipili ang dalawang kapitan ng tig-11 manlalaro para sa kanilang koponan sa 22 draft pool ng NBA Players para sa kakaibang All Star Game na gaganapin sa 18 Pebrero 2018.
Magugunitang pagkatapos ng 2017 NBA All Star Game ay iminungkahi ng NBPA President na si Chris Paul mula sa Houston Rockets na dininig ni NBA Commissioner Adam Silver.
Ang iba pang mga detalye ng bagong bihis na All Star Game ay ilalahad ng NBA sa mga susunod na araw. (JBU)

About John Bryan Ulanday

Check Also

MILO 60th Anniversary

 MILO Philippines kicks off 60TH year celebration;  underpins commitment to grassroots sports development

15 April 2024 | Manila, Philippines – In a celebration event to mark its 60th …

Sambo PH team TOPS Paolo Tancontian Ace Larida

Sambo PH team potensiyal sa int’l arena

KUNG medalyang ginto ang nais ng sambayanan mula sa contact sports, ibilang ang Sambo sa …

Smart Asian Volleyball Confederation Nuvali

Asia’s beach volleyball squads maglalaban sa Smart AVC Beach Tour Nuvali Open

ELITE action returns sa world-class Nuvali Sand Courts sa City of Santa Rosa at ang …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …

Leave a Reply

Your email address will not be published. Required fields are marked *