Sunday , January 29 2023

P20-B sa free tuition sa 2018

KAILANGAN ng gobyerno ang halagang P20 bilyon upang maipatupad ang libreng tuition sa susunod na taon para sa isang milyong estudyante sa state-run higher education institutions, ayon sa Commission on Higher Education (CHEd) kahapon.

Sinabi ni CHEd Commissioner Prospero De Vera, tinatayang P16.8 bilyon ng pondo ay ilalaan sa 112 state universities and colleges (SUCs) at 16 local universities and colleges (LUCs).

Habang ang P3 bilyon ay ilalaan sa technical-vocational schools sa ilalim ng Technical Education and Skills Development Authority (TESDA).

Dahil ang 2018 budget ay nasa Kongreso na, sinabi ni De Vera ang pondo para sa free tuition ay maaaring magmula sa budget ng iba’t ibang ahensiya na may scholarship programs, katulad ng CHEd, Department of Science and Technology, at Department of Agriculture.

“[Together] with the House of Representatives and the Senate, we will look for other funding sources from the 2018 National Expenditure Program,” ayon kay De Vera sa news conference sa Malacañang.

Pinirmahan ni Pangulong Rodrigo Duterte bilang batas nitong nakaraang linggo ang panukalang nagkakaloob ng libreng tuition para sa state-run institutions sa kabila ng pangamba ng economic team.

Nitong Miyerkoles, sinabi ni Davao City Rep. Karlo Nograles, chairman ng House appropriations committee, natukoy na ng mga mambabatas ang mapagkukunan ng P16 bilyong pondo para masuportahan ang libreng college education sa susunod na taon.

Aniya, ang pondo ay maaaring kunin mula sa scholarship programs ng iba’t ibang mga ahensiya ng gobyerno.

Samantala, tiniyak ni Budget Secretary Benjamin Diokno, na mapopondohan ang nasabing bagong ipinasang batas.

About hataw tabloid

Check Also

Arnell Ignacio OWWA

Health and wellness ng mga OWWA employee tututukan ni Admin Arnell

SHOWBIZ KONEKni Maricris Valdez Nicasio NAKABIBILIB ang concern ni Overseas Workers Welfare Administration (OWWA) Arnell Ignacio hindi …

SAF 44 National Day of Remembrance bulacan

Bulacan cops ginunita ang Fallen SAF 44 sa National Day of Remembrance

PARA sa National Day of Remembrance ng 44 na miyembro ng Special Action Force (SAF), …

Arrest Posas Handcuff

Puganteng rapist at kilabot na kawatan, timbog

Dalawang lalaki na kabilang sa most wanted person sa Bulacan ang magkasunod na naaresto sa …

dead gun

Ika-5 suspek sa pagpatay sa 2 pulis sa Mabalacat, Pampanga, patay sa shootout

ANG ikalimang  suspek at lider ng Flores group na pumatay sa dalawang anti-drug cops ng …

dead gun

Wanted patay sa engkuwentro

Patay ang  lalaking wanted sa kasong robbery nang manlaban sa mga awtoridad na aaresto sa …

Leave a Reply