Thursday , February 2 2023

Field trips puwede na ulit (Sa kolehiyo, unibersidad) — CHEd

WASAK NA WASAK ang bus ng Panda Coach Tours and Transport Inc., nang mawalan ng preno at bumangga sa poste ng koryente sa pakurbadang daan patungo sa Magnetic Hill, Peligrino Farm, Sitio Bayukan, Barangay Sampaloc, Tanay, Rizal. Patay ang driver ng bus na si Julian Lacorda, 37, at ang 14 estudyante ng Bestlink College Novaliches na nakatakdang mag-camping sa nasabing lugar. Umabot na rin sa 22 estudyante ang grabeng sugatan at nasaktan. (ALEX MENDOZA)

SIMULA sa 8 Agosto, maaari na muling magsagawa ng mga off-campus field trip ang mga pampubliko at pribadong kolehiyo at unibersidad para sa kanilang mga estudyante.

Ito’y makaraan alisin ng Commission on Higher Education (CHEd) ang ban sa pagsasagawa ng mga aktibidad sa labas ng campus, kasama na rito ang mga field trip.

Kasunod din ito ng paglalabas nang mas pinaigting na mga polisiya at tuntunin sa pagsasagawa ng mga nasabing aktibidad.

Noong Pebrero 2017 nang pansamantalang suspendehin ng CHEd ang mga field trip makaraan maaksidente ang isang bus ng mga estudyanteng papunta sa camping sa Tanay, Rizal, na ikinamatay ng 15 katao.

Nilagdaan ni CHEd Chairperson Patricia Licuanan ang Memorandum Order No. 63 noong 25 Hulyo, nagtatakda ng mga bagong panuntunan sa mga off-campus activity.

Kasabay ng pagtanggal ng ban, sinabi ng CHEd, dapat sumailalim sa pagsusuri ng mga eskuwelahan ang kondisyon at ‘loading capacity’ ng gagamiting sasakyan.

Kailangang may insurance din ang mga kasama sa aktibidad at bawal parusahan ang mga estudyanteng hindi makasasama sa field trip.

Kailangan ding magbigay ang mga estudyante ng written consent mula sa kanilang mga magulang, at dapat din ay magbigay sila ng medical clearance sa eskuwelahan.

Alternatibong mga aktibidad ang dapat na ipagawa sa mga estudyanteng hindi makasasama sa field trip.

Ang mga kolehiyo at unibersidad na lalabag sa mga polisiyang ito ay maaaring isuspinde mula sa pagsasagawa ng mga field trip at iba pang off-campus activities.

Kapag paulit-ulit ang paglabag, maaaring tanggalan ng “permit to operate” o i-downgrade ang status ng kolehiyo o unibersidad. Maaari rin silang kasuhan ng CHEd.

About hataw tabloid

Check Also

Naty Castro

Bansag na ‘terorista’ ng ATC kay Doc Naty pinalagan

KINONDENA ni House Deputy Minority leader Rep. France Castro ng ACT Teachers party-list ang pagbabansag …

Rex Gatchalian DSWD

Rex Gatchalian bagong DSWD secretary

ITINALAGA ni Pangulong Ferdinand R. Marcos, Jr., si  Valenzuela City Rep. Rex Gatchalian (1st district) …

money thief

2 Australiana, ninakawan ng Nigerian sa QC condo

TINANGAY ng isang Nigerian ang US$39,000 ng dalawang Australiana na kaniyang katransaksiyon sa negosyo sa …

Luisa Silvestre bagong konsehal ng Marilao, Bulacan

Luisa Silvestre bagong konsehal ng Marilao, Bulacan

PINANGUNAHAN ni Gob. Daniel Fernando ang panunumpa sa tungkulin ng bagong konsehal ng pamahalaang bayan …

Bulacan Police PNP

8 tulak, 5 wanted inihoyo ng pulisya

MAGKAKASUNOD na naaresto ang walong hinihinalang mga notoryus na tulak ng ilegal na droga at …

Leave a Reply