Friday , March 29 2024

Cruz, pinarangalan ng Chooks-To-Go ng sportsmanship award

NASAKTAN man nang matindi sa pakikipagbanggaan at pakikipagpalitan ng mukha sa mga karibal sa Asya sa nakalipas na 39th William Jones Cup sa Taiwan, hindi nagpatinag si Carl Bryan Cruz at nanatiling kalmado ang isipan bagamat nag-aalab ang puso.

Dahil sa tahimik na pagbalikwas sa mga sakit na natatanggap sa pamamagitan ng pagbuslo ng mga umaapoy na tres bilang sagot, nakatanggap nang hindi inaasahang parangal si Cruz mula sa tagasuporta ng Gilas na Chooks-To-Go.

Binigyang-pugay si Cruz ng Sportsmanship Award kalakip ang P.1-M bilang pagtanaw sa isinakripisyo niya sa Jones Cup sa gitna ng mga muntikang away kontra sa ibang mga bansang nakalaban ng Gilas partikular sa Lithuania at Iraq.

Higit pa rito, nabibiyaan din si Cruz nang mas magandang regalo nang magbunga ang kanyang paghihirap dahil makakasama siya sa parehong Southeast Asian Games at FIBA Asia Cup.

Parehong napili sa dalawang koponan si Cruz at inaming mahihirapan ngunit kakayaning paghandaan at pagsabayin ang misyong iniatang sa kanya sa ilalim ng bandila ng Filipinas.

Makakasama ni Cruz ang mga kadete ng Gilas sa SEA Games na gaganapin sa Kuala Lumpur, Malaysia sa 19-30 Agosto 2017 samantala sa FIBA Asia Cup ay tandem naman ang mga beterano sa PBA kontra sa mga karibal sa Asya sa darating na 8-20 Agosto 2017.

Tanging sina Cruz at Christian Stanhardinger ang makakasama sa tatlong koponang ipinadala ng bansa sa Jones Cup, SEA Games at FIBA Asia.

Bilang tulong, tuluyan muna siyang ipinahiram ng koponan sa PBA na Alaska Aces sa Gilas Pilipinas para makapag-prepara nang maayos sa kanyang tungkulin sa bansa.

ni John Bryan Ulanday

About John Bryan Ulanday

Check Also

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …

Kheith Ryhnne Cruz TOPS Olympic

TOPS Olympic slots, target ni table tennis star Kheith Rhynne Cruz

MABIGAT ang hamon na kakaharapin ni Pinay table tennis phenom Kheith Ryhnne Cruz para sa …

30 bolang ginamit sa FIBA Qualifiers, ipinagkaloob sa Pasay LGU

30 bolang ginamit sa FIBA Qualifiers, ipinagkaloob sa Pasay LGU

NAG-DONATE kahapon, 20 Marso 2024, ng 30 bola ang Samahang Basketbolista ng Pilipinas (SBP) sa …

Reli de Leon Antonella Berthe Racasa

High Roller bida sa Triple Crown Stake

IBINABA lamang bilang fifth choice, ninakaw ng High Roller ni Lamberto “Jun” Almeda, Jr., ang …

Leave a Reply

Your email address will not be published. Required fields are marked *