Friday , March 29 2024

Warriors kampeon (Durant, finals MVP)

INABOT ng 10 taon ngunit sa wakas ay nahagkan na rin ni Kevin Durant ang kanyang ina-asam-asam na kampeonato matapos ang pambihirang 129-120 panalo sa Game 5 upang tapusin ng Golden State Warriors ang serye, 4-1 at mabawi ang trono mula sa Cleveland Cavaliers sa 2016-2017 NBA Finals kahapon sa Oracle Arena.

Pumupog si Durant ng 39 puntos, 7 rebounds at 5 assists rekta sa pagkopo ng Finals MVP. Nagrehistro si Durant ng impresibong 35.2 puntos, 8.4 rebounds at 5.4 assists sa limang laro sa Finals.

Magugunitang lumipat si Durant mula Oklahoma City Thunder nga-yong taon at naging ikatlong manlalaro na nakasukbit ng Finals MVP sa unang taon sa bagong koponan sa likod nina Moses Malone noong 1983 at Magic Johnson noong 1980.

Nakabawi si Durant sa karibal na si LeBron James buhat ang dating koponan niyang OKC kontra sa Miami Heat ni James noong 2012 NBA Finals, 4-1.

Naiiwan sa 33-41 kalagitnaan ng ikalawang kanto, pina-ngunahan ni Durant ang 28-4 bulusok ng Warriors upang itayo ang 61-45 kalamangan.

Bagamat nakipagpukpukan ang Cavs hanggang  makadikit pa sa 86-88 sa ikatlong kanto, nanaig pa rin ang init ng Warriors tungo sa kanilang  ikalawang  kampeonato sa tatlong taon.

Nag-ambag si 2-time reigning MVP Stephen Curry ng 34 puntos at 10 assists habang may 20 puntos din ang 2015 Finals MVP na si Andre Iguodala.

Sa kabila ng halimaw na 41 puntos, 13 rebounds at 8 assists ni James at solido ring suporta ni Kyrie Irving at JR Smith sa 26 at 25 puntos, ayon sa pagkakasunod ay kapos pa rin para sa Cleveland na bigong maidepensa ang kanilang korona.

Kumayod si James ng 33.6 puntos, 12 rebounds at 10 assists sa kabuuan ng NBA Finals upang maging kauna-una-hang manlalarong nakapagrehistro ng triple double sa kasaysayan ng Finals ngunit hindi pa rin nakaligtas sa paglasap niya ng masaklap na ika-limang kabiguan sa walong salang sa NBA’s Last Dance.

ni John Bryan Ulanday

About John Bryan Ulanday

Check Also

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …

Kheith Ryhnne Cruz TOPS Olympic

TOPS Olympic slots, target ni table tennis star Kheith Rhynne Cruz

MABIGAT ang hamon na kakaharapin ni Pinay table tennis phenom Kheith Ryhnne Cruz para sa …

30 bolang ginamit sa FIBA Qualifiers, ipinagkaloob sa Pasay LGU

30 bolang ginamit sa FIBA Qualifiers, ipinagkaloob sa Pasay LGU

NAG-DONATE kahapon, 20 Marso 2024, ng 30 bola ang Samahang Basketbolista ng Pilipinas (SBP) sa …

Reli de Leon Antonella Berthe Racasa

High Roller bida sa Triple Crown Stake

IBINABA lamang bilang fifth choice, ninakaw ng High Roller ni Lamberto “Jun” Almeda, Jr., ang …

Leave a Reply

Your email address will not be published. Required fields are marked *