Stevenson giniba si Fonfara sa round 2
DINIMOLIS ni Adonis Stevenson si Andrzej Fonfara sa Round Two para mapanatili ang korona sa WBC light heavyweight na ginanap sa Bell Centre sa Montreal.
Pinabagsak ni Stevenson sa unang round si Fonfara sa pamamagitan ng matinding kaliwa. Sa nasabing yugto ay gahibla nang nakasalba si Fonfara sa uumulang suntok ng kampeon.
Sa Round Two ay lalong naging mabalasik si Stevenson sa kanyang atake at lumanding ang apat na pinakawalang niyang straight left para tuluyang magiba si Fonfara.
Isinalba ni trainer Virgil Hunter ang kanyang boksingero sa nalalabing 28 segundo nang sumenyas ito sa reperi na sapat na ang gulping inabot ni Fonfara.
Ito ang ikalawang panalo ni Stevenson laban kay Fonfara na tinalo rin niya noong 2014 via unanimous decision.
Sa panalong iyon ni Stevenson ay nag-imprub ang kanyang ring record sa 29-1, 24 knockouts. Si Fonfara ay sumemplang sa karting 29-5.
