PATAY ang dalawang hinihinalang drug pusher habang isang pulis ang sugatan sa drug buy-bust operation sa Bay, Laguna nitong Linggo ng umaga.
Kinilala ng pulisya ang napatay na mga suspek na sina Frederick Fule at Ryan Ferdie Pulutan.
Ayon sa Laguna Police Provincial Office, nagsagawa ang mga operatiba ng drug buy-bust operation sa Brgy. Dila, bayan ng Bay dakong 1:30 am.
Ngunit binaril ni Fule ang poseur-buyer na si PO1 Jeremias Ramos kaya tinamaan ng bala sa braso ang nasabing pulis.
Gumanti ng putok ang mga kasama ni Ramos na nagresulta sa pagkamatay ng dalawang suspek.
