BUTUAN CITY – Umaabot sa halagang P1.1 milyon ang nakompiskang shabu sa buy-bust operation sa lungsod na ito.
Inilunsad ang operas-yon pasado 9:50 pm kamakalawa ng gabi ng pinagsanib na puwersa ng Butuan City Police Station 2 at 3 sa Brgy. Masau ng nasabing lungsod.
Kinilala ni S/Insp. Roland Orculio ang naarestong suspek na si Alan Regundo Yamba, residente ng Purok-2, Brgy. Holy Redeemer sa Butuan.
Sa ngayon, nasa kustodiya na ng Butuan City Police Station 2 ang suspek para sa tamang disposasyon.
