APAT hinihinalang drug pusher ang naaresto sa buy-bust operation kahapon ng madaling-araw sa Valenzuela City.
Kinilala ang mga suspek na sina Ronald Pascua, 33; Charlie Manlapig, 41; Ronee Carillo, 32; at Marlon Manabat, 36, pawang nahaharap sa kasong paglabag sa Article II ng R.A. 9165 o Comprehensive Dangerous Drug Act of 2002, sa Valenzuela City Prosecutors Office.
Batay sa ulat ni Senior Insp. Milan Naz, dakong 1:30 ng am nang maaresto ang mga suspek sa Guava St., Brgy. Gen. T. De Leon ng nabanggit na lungsod.
(ROMMEL SALES)
