PATAY ang dalawang hindi pa nakikilalang lalaking hinihinalang mga akyat-bahay makaraan lumaban sa mga operatiba ng Quezon City Police District–District Special Operation Unity (QCPD-DSOU) kahapon ng ma-daling araw sa Brgy. North Fairview, Quezon City.
Sa ulat kay C/Supt. Guillermo Lorenzo T. Eleazar, patuloy pa rin kinikilala ng DSOU na pinamumunuan ni Supt. Rogarth Campo, ang da-lawang suspek na kapwa inilarawan nasa edad 30-35-anyos, may taas na 5’7″, katamtaman ang pangangatawan, nakasuot ng T-shirt at short pants.
Ayon kay Supt. Campo, dakong 1:30 am nakatanggap sila ng tawag mula kay Nicanor Mucal, may-ari ng Enjel water refilling station and carwash sa B52, L1, Bristol Street, corner Bronson Street, Brgy. North Fairview, na kasalukuyang pinagnanakawan ng da-lawang suspek ang kanyang establisimiyento base sa sumbong ng kanyang stay-in worker.
Agad pinaresponde ni Supt. Campo ang kanyang mga tauhan sa pa-ngunguna ni SPO2 Carlito Mangaoang ngunit lumaban ang mga suspek sa mga pulis na nagresulta sa kanilang pagkamatay.
(ALMAR DANGUILAN)
