TATLONG hinihinalang tulak ang napatay nang lu-maban sa mga operatiba ng Quezon City Police District (QCPD) sa buy-bust operation sa isang drug den kahapon ng madaling-araw sa nasabing lungsod.
Sa ulat ni Supt. Igmidio Bernaldez, hepe ng QCPD Masambong Police Station 2, kay QCPD director, Sr. Supt. Guillermo Lorenzo T. Eleazar, kinilala ang mga napatay na sina Glen Pangan alyas Tikyo, Hernando Manungit alyas Ding, at Alvin Delos Santos, pawang nasa hustong gulang, at nakatira sa hinihinalang drug den sa Palawan St., Brgy. Sto Cristo.
Ayon kay Bernaldez, dakong 12:30 am nang magsagawa ng buy-bust operation ang mga pulis sa lugar ngunit nakipagbarilan ang mga suspek na nagresulta sa kanilang pagkamatay.
( ALMAR DANGUILAN )
