ISANG dating katrabaho sa GMA na nagpapagawa rin ng bahay ang bumili sa tindahan ng mga bath fixtures na binilhan din kamakailan ni Heart Evangelista.
Sa parteng Maynila ang tindahang ‘yon na puro imported ang mga kalakal na siyempre’y may kamahalan ang presyo.
Mismong ang saleslady ng store ang nagtsikang doon din bumili si Heart ng mga gamit sa kanyang banyo sa bahay na minamadali na niyang matapos. Siguro’y itinataon ni Heart ang completion ng bahay in time for Christmas kasama siyempre ang kanyang asawang si Senator Chiz Escudero.
Na-curious tuloy ang dating nakatrabaho ni Heart kung magkano ang inabot ng nabili ng aktres. Sagot ng kahero, kulang-kulang P200,000 ang napamili nito.
Napangiti lang ang dating workmate ni Heart, halos ganoon din kasi ang presyong inabot ng kanyang napamili para sa anim na toilet ng kanyang ipinagagawang bahay.
Ang kaibahan nga lang, ang halagang almost P200K na ipinambili ni Heart ay para lang sa isang bathroom niya!
So, nai-imagine na namin na kung paliguan lang ni Heart ay ganoon kamahal ang gamit, how much more sa ibang bahagi ng kanyang bahay?
( Ronnie Carrasco III )
