HUMIHINGI ng panalangin ang pamilya ni Dick Israel dahil bukod sa pagkamatay ng actor noong Martes ng gabi, kritikal naman ang kondisyon ng asawa nito.
Ayon sa interview ng abs-cbnnews.com kay Nadia Montenegro, sinabi nitong itinakbo sa ospital noon gabi ng Miyerkoles ang asawa ng character actor. “Si tita ang naitakbo sa ospital noong Wednesday night because she had aneurysm, so she’s in a coma right now sa ICU sa Makati,” ani Nadia.
Nakalagak ang labi ni Dick, 68, sa St. Peter’s Chapel sa Araneta Avenue at magkakaroon ng schedule para sa public viewing.
Pumanaw ang character actor noong gabi ng Martes, October 11 dahil sa cardiac arrest.
Ayon kay Vivian Velez, binawian ng buhay si Dick habang ito’y nasa kanilang tahanan.
SHOWBIZ KONEK – Maricris Valdez Nicasio
