HATAW! D'yaryo ng Bayan hatawtabloid.com
INAMIN ni Janine Tugonon na hindi pa talaga siya financially stable ngayon sa New York bilang model. Kakaba-kaba siya kung makababayad raw ba siya ng renta sa kanyang inuupahan the next month.
Sayang dahil abot kaya na sana ni Tugonon ang korona bilang ikatlong Pinay Miss Universe dahil silang dalawa na lang ni Miss USA Olivia Culpo ang nag-face off noong Miss Universe 2012. Pero gaya ng matagal na nating alam, naging first runner-up lang si Janine.
Year 2013 nang magdesisyon ang Pharmacist turned beauty queen na mag-stay sa LA para ipagpatuloy ang kanyang modelling career.
Pero sa ngayon, nasa New York na siya at mukhang umaalagwa na ang career bilang model dahil ang latest kay Janine, kinuha siya ng sikat na brand na Victoria’s Secret at alam n’yo naman, kapag gumawa ng fashion event ang sikat na brand, nakawiwindang talaga. So, excited na tayong makita si Janine na rumampa sa VS.
Noong kapapanalo pa lang ni Pia Wurtzbach bilang Miss Universe 2015, may isang event na magkasama ang dalawa pero ‘di na yata nasundan ‘yun.
Maraming raket si Pia sa US bilang Miss Universe, sana tulungan niya si Janine. Sana kung may kumuha sa kanya ay i-emote niya si Janine tutal magkaibigan naman sila noon pa man.
Itong pagkasali niya sa Victoria Secret ay isang malaking hakbang upang makilala siya bilang isang sikat na modelo.
Marami ng Pinay ang gumawa ng pangalan sa US like Ana Bayle, Melanie Marquez at kung sino-sino pa, sana mapansin na talag si Janine dahil three years na rin siya roon ‘di ba? Twenty six years old na rin siya , eh alam naman natin sa modelling na sikat ka lang kapag bata ka unlike sa acting na kahit uugod-ugod ka na, kapag keri mo pang umarte ay talagang hindi ka mawawala sa limelight.
Anyway, goodluck Janine at kaunting push pa ng iyong agent para maabot na ang tagumpay.
MAKATAS – Timmy Basil
