ARESTADO ang isang hinihinalang miyembro ng Abu Sayyaf Group at 84 iba pang drug suspect sa ipinatupad na anti-illegal drug operation sa Brgy. Culiat, Quezon City kahapon.
Kinilala ni Senior Supt. Guillermo Lorenzo Eleazar, Quezon City Police District (QCPD) chief, ang naarestong hinihinalang terorista na si Juraid Sahibbun.
Kabilang din sa naaresto si Hadji Abraham, hinihinalang drug lord sa Salam Compound, kasama sa QCPD’s drug watchlist.
Ayon sa ulat na isinumite kay Eleazar, ipinatupad ang Oplan Tokhang at Galugad dakong 11:30 am ng mga tauhan ni Supt. Danilo Mendoza ng QCPD Station 3, Special Weapons and Tactics, barangay officials, kasama si SPO2 Hassan Adi, presidente ng Brgy. Culiat Muslim Peace and Order.
Ayon kay Eleazar, ang mga suspek ay naaktohan habang nagsasagawa ng pot sessiuon sa tatlong bahay sa nabanggit na lugar.
( ALMAR DANGUILAN )
