NANINIWALA si Interior and Local Government (DILG) Secretary Mike Sueno, aaksiyon na ang local government units (LGUs) kasabay nang idineklarang state of national emergency sa bansa.
Ayon kay Sueno, importante ang deklarasyon ng pangulo partikular sa lugar ng Mindanao.
Mas naging aktibo aniya ang mga alkalde sa paglaban at pagtugis laban sa Abu Sayyaf group (ASG).
Bunsod ng state of national emergency, mas nabigyan ng kapangyarihan ang DILG sa pagbabantay sa seguridad.
Ani Sueno, lagi nang naka-red alert ang mga pulisya o 24 oras nang nakaalerto sa buong bansa.
Samatala, ipinaliwanag ni Presidential Communications Office Assistant Secretary Marie Banaag, ang mga panuntunan sa pag-iral ng state of national emergency.
Aniya, limitado lamang ang isasagawang “stop and frisk situation” sa isang indibidwal lalo na kung sangkot sa kanina-hinalang gagawin.
Binigyang-diin niyang mapangangalagan ang karapatang pantao na nakasaad sa Konstitusyon.