3 sakay ng motorsiklo patay sa truck van

NAGA CITY – Patay ang tatlong katao nang pumailalim ang sinasakyang motorsiklo sa truck van sa bayan ng Nabua, Camarines Sur kamakalawa.

Binabaybay ng motorsiklo na minamaneho ni Gilbert Cerdan ang kahabaan ng kalsada sa nasabing lugar lulan ang dalawang backrider na sina Manuel Lovero, 19-anyos ,at Romulo Piana Jr., 50-anyos, nang mag-overtake sila sa sinusundang van na minamaneho ni Erian Bithao, 38-anyos.

Nang mag-overtake, nawalan ng kontrol sa motorsiklo si Cerdan kaya natumba at nasagasaan ng truck van.

Isinugod ang mga biktima sa pagamutan ngunit idineklarang dead on arrival ng mga doktor.

DALAGITA PATAY, 8 SUGATAN SA MOTORSIKLO VS TRIKE SA CAMSUR

NAGA CITY – Patay ang isang menor de edad habang sugatan ang walong iba pa sa banggaan ng motorsiklo at pampasaherong tricycle sa Brgy. Tara, Sipocot, Camarines Sur kamakalawa.

Binabaybay ng tricycle na minamaneho ni Alberto Huerte, 51-anyos, ang kahabaan ng kalsada sa nasabing lugar lulan ang apat pasahero nang biglang sumalpok ang isang motorsiklo na minamaneho ni Ryan Roldan kasama ang tatlong backrider.

Dahil sa lakas ng impact, nasugatan ang mga pasahero ng dalawang sasakyan na agad isinugod sa ospital.

Napuruhan sa insidente ang isang 15-anyos dalagita na agad binawian ng buhay.

Nabatid na lango sa alak ang driver ng motorsiklo nang mangyari ang aksidente.”