ILOILO CITY – Higit 80 estudyante na pinaniniwalaang nalason sa pagkain sa party ang isinugod sa Iloilo Doctor’s College Hospital nitong Biyernes ng gabi.
Itinuturong sanhi ng food poisoning ng mga estudyante partikular ng College of Dentistry, ang isinilbing siomai at carbonara sa kanilang acquaintance party.
Hindi pa nagpapalabas ng ano mang pahayag ang pamunuan ng nasabing kolehiyo ukol sa insidente.
Napag-alaman, nakaramdam nang matinding pananakit ng tiyan at sumuka ang mga biktima.
