Saturday , January 29 2022

Media outlets ng pamahalaan palalakasin

081816 martin andanar
ANG 5O DAYS NI DUTERTE. Buong pinagmalaki ni Presidential Communications Office (PCO) Secretary Martin Andanar ang mga nagawa ng Administration ni Pangulong Rodrigo Duterte kung saan ngayong araw ang ika 50 araw nito bilang pangulo ng Filipinas at sinabi ni Sec.Andanar ang mahigit na sa labing limang top achievement ng pangulo sa isinagawang News Furom sa Kapihan sa Manila Bay Cafe Adriatico Malate Manila. ( BONG SON )

KASUNOD ng paglagda ni Pangulong Rodrigo Duterte ng executive order (EO) para sa Freedom of Information (FOI), ipinamahagi na sa lahat ng ahensiya ng gobyerno ang template sa pagpa-patupad ng nasabing batas.

Ito ang ibinalita ni press secretary Martin Andanar sa Kapihan sa Manila Bay sa Malate, Maynila para ipagbigay-alam ang sinseridad ng Pangulo na maging bukas sa puna at kritisismo ng publiko ang lahat ng sangay ng pamahalaan.

Kasabay nito, sinabi rin ng kalihim na simula na rin ang pag-overhaul ng government-controled media institutions na kinabibilangan ng Philippine Information Agency (PIA), Philippine News Agency (PNA), People’s Television (PTV) Network at Radyo ng Bayan.

“Kailangan nating maihatid sa mamamayan ang lahat ng mga kaganapan sa ating bansa dahil dito natin masusukat kung tunay na nagiging matagumpay ang ating mga programa para sa bayan,” punto nito.

Binigyang halaga ni Andanar ang pamamahagi ng impormasyon sa publiko bilang sukatan ng tunay na kalagayan at situwasyon sa iba’t ibang lugar sa bansa.

“Tulad sa digmaan sa Mindanao. Hindi tayo puwedeng dumepende lamang sa baril o sa ating militar. Kailangan natin ng information dissemination para malaman ng taongbayan ang pag-usad ng kapayapaan sa rehiyon,” aniya.

Sinabi ng kalihim, mahalagang makaabot ang impormasyon sa pinakamababang antas ng lipunan hanggang sa grassroots level.

“Ito ang dahilan kung bakit nagkaroon din ng overhaul sa OPS (office of the Press Secretary) at Presidential Communications Office (PCO) at kung bakit parang mailap ako ngayon sa mga panayam ng media… kailangan ko kasing mapagana ang PIA, PNA at Channel 4 para maging lubos ang pagtupad sa kanilang mandato na magbigay ng impormasyon sa publiko,” ani Andanar.

Upang mabigyang-diin ang katuwiran sa likod nito, binanggit niya ang kakulangan sa gamit at pondo ng nasabing mga institusyon, tulad ng PTV4 na ang ilang estasyon ay matagal naipasara o kaya’y mahina ang transmisyon.

ni Tracy Cabrera

About Tracy Cabrera

Check Also

abs cbn

 ABS-CBN pinaghati-hatian na

I-FLEXni Jun Nardo PINAGHATIAN na ang iba pang broadcast frequencies na hawak dati ng ABS-CBN. Unang …

NTC ‘di dapat i-bash, pagkuha ng franchise asikasuhin

HATAWANni Ed de Leon ANG ginawang pamimigay ng NTC sa mga dating frequencies ng ABS-CBN sa ahensiya ng Advance Media …

NBI Landbank

NBI pasok sa ‘Landbank theft’

PUMASOK na ang National Bureau of Investigation (NBI) sa mga insidente ng pagnanakaw sa payroll …

012822 Hataw Frontpage

BBM DISQUALIFIED
Yes vote ni Guanzon ayaw bilangin ng Comelec

NANINIWALA si Commission on Elections (Comelec) Commissioner Rowena Guanzon na may mahiwagang kamay na kumukumpas …

electricity meralco

Ex-BM kumasa
GOV. SUAREZ, P4-M UTANG SA ELECTRIC COOP ‘DI BINABAYARAN

TINULIGSA ng isang dating Quezon 4th district board member si Gov. Danilo Suarez sa pag-iwas …

Leave a Reply