KAPWA namatay ang magkapatid na hinihinalang tulak ng droga makaraan makipagpalitan ng putok sa mga awtoridad sa drug buy-bust operation sa Ma-labon City kamakalawa ng gabi.
Agad binawian ng buhay ang magkapatid na sina Marwin Sta. Ana, 24, at Mark, 32, kapwa residente sa Sapa St., Brgy. Panghulo ng nasabing lungsod.
Sa ulat mula sa Station Investigation Division (SID) ng Malabon City Police, naganap ang insidente dakong 7:30 pm sa loob ng bahay ng mga suspek.
Sa isinagawang ope-rasyon ng pulisya, nakatunog ang mga suspek na pulis ang kanilang katransaksiyon kaya tumakbo patungo sa kanilang bahay.
Sinundan ng mga pulis ang mga suspek ngunit sinalubong sila ng putok.
Bunsod nito, gumanti ng putok ang mga pulis na nagresulta sa pagkamatay ng mga suspek.
( ROMMEL SALES )
