Olympian athlete napagkamalang si Leonardo DiCaprio

TOTOO nga bang nagwagi ang aktor na si Leonardo DiCaprio sa Rio Olympics?

Nagwagi si DiCaprio, o ang kamukha ng aktor na si Brady Ellison, ng silver me-dal sa archery para sa Team USA nitong nakaraang Agosto 6.

Tunay nga, sa unang sulyap, mapagkakamalan si Ellison bilang lead actor ng pelikulang Titanic, at ito ang napansin ng Twitter:

Gumugol ng panahon si Ellison malapit sa Los Angeles, nang naninirahan siya sa Chula Vista, California, ka-lapit lang ng San Diego.

Siyempre, marahil ay gayon din si DiCapriona madalas na nasa L.A.

Parehong 6’0″ ang taas nina Ellison at DiCaprio.

Pareho rin silang may balbas at bigote, na kapag tinitigan ay halos magkapareho ng tubo.

Pareho rin silang nagwagi ng ‘medalya’ — iniuwi ni DiCaprio ang ginto (sa Oscar awards) at iniuwi rin ni Ellison ang silver.

Ang panalo rin ni Ellison ay ikalawang pagkakataon na nag-uwi siya ng Olympic silver.

“I’m excited, I’m happy,” wika ni Ellison matapos mapanalunan ang kanyang medalya.

“After London, I was pissed off. We didn’t shoot the best we could and we lost the gold medal there. We got out there and did our job and won the silver tonight,” dagdag pa ng mamumuslo, o archer.

Ngunit hindi pa rin makapaniwalang hindi siya si DiCaprio.

Napansin ito ng Internet at Twitterverse.

Mayroon pa kayang ibang atleta sa Olimpi-yada na may kahawig na artista?

Kung mayroon man, hindi ito makaliligtas sa mga netizen.

ni Tracy Cabrera