Thursday , June 13 2024

James, thankful sa asawang ‘di Nang-iwan sa kanya

INILAGLAG si James Blanco ng isang kaibigan na sinabihan niya ng sikreto. Nagkuwento siya ng mga bagay na pagkakamali niya dahil gusto niya ay maging Christian pero ibinulgar ng friend niya sa mismong asawa ni James.

“’Yung magpapakita sa ’yo na kaibigang-kaibigan ka pero ilalaglag ka, ‘di ba?’Pag kaibigan ka..iba ‘yung usaping mag-asawa. Ang kaibigan ay hindi nanghihimasok sa mag-asawa lalo na kung past mo na, naikuwento mo lang,” bulalas niya.

“Bilang kaibigan kasi, hindi ako masisira sa ‘yo..sa pera, sa lahat ng bagay,” dagdag pa niya.

Tinanong siya ng press kung nangaliwa rin ba siya? Dumating ba sa point ng buhay niya na nambabae siya?

“Alam niyo, hindi ako nagmamalinis na tao. Pero may mga pagkakataon na nagkakamali ka. Aminado naman ako na nagkamali ako at hiningi ko ‘yun ng tawad sa Diyos at sa asawa ko. Siyempre, noong mga panahong ‘yun ay bata ka pa,” tugon niya sabay napalunok sa tubig na iniinom.

Naniniwala si James na ‘pag inulit ang pagkakamali ay hindi na siya mali. Nagbago naman daw siya at pinagsisihan na niya ‘yun.

“’Pag nagkamali ka na,’wag mo nang ulitin,” sambit pa niya.

Thankful siya sa asawa niya dahil never siyang iniwan. Pinalaki raw kasi ang wife niya na relihiyosa.

“Nagpapasalamat ako sa asawa ko kasi malamang broken family na kami. Kawawa ‘yung mga anak ko. Siyempre, kumapit pa rin’yung asawa ko. Pinanindigan pa rin niya ‘yung pangako namin,” deklara pa niya.

Anyway, may first indie movie ni James, ang Pilapil na entry sa ToFarm Film Festival na nagsimula noong July 13 hanggang July 19. Gala night sa July 17, Sunday 6:30 p.m. sa SM Megamall.

Sa kanila ni David Remo umiikot ang istorya. Nahirapan siya dahil summer kinunan ang pelikula kaya mainit sa bukid. Pero na-enjoy daw niya ang mga fight scene niya sa pelikula.

Iniwan ni James ang bukid para makipagsapalaran sa Maynila at kumapit sa patalim. Ayaw umasa ni James na mananalo siya ng best actor sa performance niya sa Pilapil. Bonus na lang daw ‘pag nag-win siya. Pero kakaiba raw ito dahil nakita niya ang dedikasyon ng kanyang director na si Jose Johnny Nadela.

“Pinag-aralan kong mabuti ang karakter ko kasi medyo kakaiba ito sa rati kong ginampanan. First time kong mag-action. Nanood din ako ng old Hollywood at local movies natin. Physically at emotionally, inaral kong mabuti ang script at ang hinihingi ng karakter ko,” sambit niya.
TALBOG – Roldan Castro

About Roldan Castro

Check Also

Migz Zubiri Pope Francis

Pope Francis binulungan si Migz: Protektahan ang pamilyang Filipino

“PINAKIUSAPAN ako ni Pope Francis to ‘protect the family,’ at isasapuso ko ang sinabi niyang …

Imelda Papin PCSO

Imelda Papin kompiyansang maraming matutulungan sa kanyang Isang Linggong Serbisyo

SHOWBIZ KONEKni Maricris Valdez Nicasio KAHAPON ang unang araw ng OPM icon at Jukebox Queen Imelda …

Elisse Joson McCoy de Leon

Elisse ipinagtanggol si McCoy: Don’t put him in a box, he’s a person not a label 

MATABILni John Fontanilla HINDI nagustuhan ni Elisse Joson ang pagma-marites sa kanya na umano’y cheater ang kanyang …

Klinton Start

Supremo ng Dance Floor Klinton Start gradweyt na sa kolehiyo 

MATABILni John Fontanilla NAGTAPOS na sa kolehiyo ang tinaguriang Supremo ng Dance Floor na si Klinton …

Coco Martin Julia Montes

Tibay at pagiging open nina Coco at Julia pinuri ng netizens 

MATABILni John Fontanilla MASAYA ang fans nina Coco Martin at Julia Montes dahil mukhang handa na ang mga itong …

Leave a Reply

Your email address will not be published. Required fields are marked *