Wednesday , July 24 2024

Football for a Better Life inilunsad

KASUNOD nang matagumpay na unang taon noong 2015, handa na ang Football for a Better Life (FFABL) para sa ikalawang taon sa paglulunsad ng kanilang programa sa Guingoog City, Misamis Oriental sa Agosto 6 hanggang 7

Ayon kay Little Azkals team manager Albert Almendralejo, bukod sa Guingoog ay gaganapin din ang FFABL sa siyam pang ibang lugar sa bansa, kabilang ang limang bagong training at tournament site, para palaganapin ang kanilang grassroots football development program.

Ang proyekto ngayon ay itatanghal sa ilalim ng Spears Activation, Azkals Foundation, at Pru Life UK sa pakikipagtambalan sa mga lokal na asosasyon ng football, local government units (LGUs) at Gawad Kali-nga Sipag community football program.

Kabilang sa serye ang mga pocket football tournament at klinika na panga-ngasiwaan ni dating Azkal skipper Chieffy Caligdong, at gayon din ang kasalukuyang mga pambato ng pambansang koponan na sina Simone Rota, Amani Aguinaldo at Misagh Bahadoran.

“Pru Life UK supports various causes to help in nation-building, one of them is supporting young athletes like the Philippine Azkals and football grassroots development through the Little Azkals. With the help of other companies, LGUs, and local football groups, we hope to make dreams of ta-lented players and of our nation come true,” ani Pru Life UK president at chief-executive-officer Antonio Manuel De Rosas.

Sa pamamagitan ng FFABL, layuning makadiskubre at matukoy ang mga kabataang may talent sa football mula sa mga lalawigan na kalaunan ay maaaring mapabilang sa Little Azkals, na may pag-asa rin makalahok sa 2019  U 17 World Cup.

Ngayong taon, ang koponan ay lalahok sa 2016 Borneo Football Cup sa Malaysia.

Bukod sa Guingoog, ang iba pang lugar na pagdarausan ng mga torneo at klinika ay sa Dipolog City sa Setyembre 3 hanggang 4; Pagadian City sa Setyembre 24-25; Tagum, Davao del Norte sa Oktubre 24-25 at Baguio City sa Nobyembre 19-20.

Kabilang sa schedule ng FFABL ang Tarlac City sa Setyembre 10-11; Duma-guete sa Agosto 20-21; Laguna sa Setyembre 17-18; Iloilo sa Nobyembre 12-13 at magtatapos sa National Capital Region.

ni Tracy Cabrera

About Tracy Cabrera

Check Also

Eric Buhain Speedo tilt sa RMSC, PH sasabak sa AOSI tourney

Speedo tilt sa RMSC, PH sasabak sa AOSI tourney

INIHAYAG ng Philippine Aquatics Inc. (PAI) sa pakikipagtulungan ng Speedo Philippines ang pagdaraos ng 2024 …

National University NU Lady Bulldogs SSL National Invitationals

NU Kampeon sa SSL National Invitationals

IGINAWAD nina Philippine Sports Commission (PSC) Commissioner Fritz Gaston at Vicente Gregorio President/CEO ng Shakey’s …

PBA draft 2024 Justine Baltazar

Justin Baltazar, no.1 pick sa PBA Season 49 Draft

PINILI ng Converge Fiberxers team si Justine Baltazar, 27 anyos, 6-foot-9 UAAP Champion noong 2016, …

Shakey’s Super League National Invitational inilunsad

Shakey’s Super League National Invitational inilunsad

INIHAYAG ni Vicente L. Gregorio, Shakey’s Pizza Asia Ventures Inc. (SPAVI) President/CEO (may mikropono) ang …

Tristan Jared Cervero Chess

Cervero naghari sa Marikina chess tournament

Marikina City — Naghari si Tristan Jared Cervero, isa sa mga nangungunang manlalaro ng Ateneo …

Leave a Reply

Your email address will not be published. Required fields are marked *