Lakan punong-puno pa

Hugandong nagwagi ang kabayong si Gentle Strength na pinatnubayan ng hineteng si Unoh Basco Hernandez sa naganap na 2016 “PHILRACOM Summer Racing Festival” nitong nagdaang weekend sa pista ng San Lazaro. Naorasan ang nasabing laban ng 1:33.0 (18’-25-24-25’) sa distansiyang 1,500 meters.

Simpleng ehersisyo naman ang pagkapanalo ni Dixie Gold na nirendahan ni Oniel Cortez na tumapos sa tiyempong 1:21.2 (07-24’-24’-25) sa 1,300 meters sa 2016 Philracom Summer Racing Festival,  4yo & above Stakes Race .

Nitong Sabado ay punong-puno pa na dumating sa meta ang kalahok na si Lakan na nirendahan ni Kelvin Abobo at nakagawa ng impresibong oras na 1:20.2 (07-23’- 24-26) sa 1,300 meters. Sa panalong iyan ay maraming klasmeyts natin ang nakapagsabi na hahakot pa ng premyo si Lakan, kabilang na ang pinaghahandaan niyang malaking pakarera sa sunod na buwan.

REKTA – Fred Magno