This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
REHAS na bakal ang kinasadlakan ng isang 49-anyos mangingisda makaraan ireklamo ng tangkang panggagahasa sa isang 20-anyos babae sa Navotas City kamakalawa ng gabi.
Kinilala ang naarestong suspek na si Edmar Negrillo, ng Block 49, Lot 19, North Bay Boulevard South ng nasabing lungsod.
Personal na nagtungo sa himpilan ng pulisya ang biktimang si Susie, ng San Marcos St., Navotas West, upang magsampa ng reklamo laban sa suspek.
Ayon kay PO2 Jenny-Lyn Manabat ng Women and Children’s Protection Desk (WCPD), dakong 8:30 p.m. habang naglalakad ang biktima sa Lapu-Lapu Avenue, Brgy. NBBS nang bigla siyang kinalawit ng suspek sa leeg.
Pilit na hinatak ng suspek ang biktima patungo sa madilim na bahagi ng lugar ngunit pumalag ang babae kaya pinagbantaan na papatayin ni Negrillo.
Sapilitang hinubad ng suspek ang suot na pantalon at underwear ng biktima bago ipinasok ang kanyang daliri sa pribadong bahagi ng katawan hanggang sa makita sila ng nagpapatrolyang mga tanod.
Agad dinakip ng mga tanod ang suspek at dinala sa himpilan ng pulisya.
