Jasmine, leading lady sa Ang Panday

MAY bagong project si Jasmine Curtis-Smith sa TV5 bukod sa leading lady siya ni Richard Gutierrez sa Ang Panday na mapapanood na sa 2016 ay may iba pang ibibigay daw kaya posibleng iwan na niya ang Happy Truck ng Bayan.

Ito ang tsikang narinig namin sa ginanap na Kidsmas Party ng TV5 para sa entertainment press noong Huwebes (December17).

Tinanong namin ang manager ni Jasmin na si Ms Betchay Vidanes kung aalis na ang alaga niya sa Happy Truck ng Bayan.

“Wala pa namang instructions from TV5 kung aalisin na kami,” mensahe sa amin ni Betchay.

Bakit laging wala si Jasmin sa Happy Truck ng Bayan, “mayroon kasing previous commitment si bagets (Jasmin), wait lang kami ng instructions ‘pag sinabi ng TV5 na gagawa siya ng ibang project, sunod lang kami,” sagot ulit ng manager ng TV host/actress.

‘Pag natuloy umalis si Jasmin, sino pang poste ng Happy Truck Ng Bayan, eh, wala na si Mariel Rodriguez-Padilla at balita namin ay aalis na rin si Gelli de Belen dahil palipat na siya ng ABS-CBN sa 2016?

Sina Derek Ramsay, Janno Gibbs, Tueday Vargas, Empoy, at Ogie Alcasid na lang matitira sa HTNB.

Sabagay, maraming produkto ng Artista Academy ang walang trabaho kaya ito na ang pagkakataong bigyan sila ng exposure kaysa kumuha pa sa labas.

Hmm, baka naman kasi brainchild naman ni Ms Wilma V. Galvante ang Artista Academy, ‘di ba Ateng Maricris.

FACT SHEET – Reggee Bonoan