HATAW! D'yaryo ng Bayan hatawtabloid.com
IT may still be a long way to go para sa singer na si Michael Pangilinan, pero lalong gumaganda ang itinatakbo ng kanyang musical journey.
Fresh mula sa kanyang matagumpay na Michael Sounds Familiar sa Music Museum concert noong Biyernes, hindi naging sagabal ang traffic (dulot ng last Friday shopping bago mag-Pasko) at masamang panahon para hindi ito dumugin.
Ang pamagat mismo ng pagtatanghal ni Michael ay inspired ng Your Face Sounds Familiar Season 2 na pumangalawa siya kay Denise Laurel. Hindi man niya nasungkit ang grand prize, para sa marami, si Michael ang deserving na manalo.
But no hard feelings. Sa katunayan, nagpapasalamat si Michael—including his manager Jobert Sucaldito—na ang YFSF ay magbubukas pa ng mas maraming pintuan para sa kanya to greater opportunities.
Personally, masaya kami para kay Michael dahil sa kanyang focus sa kanyang craft, and who should he thank? Sino pa kundi si Jobert na bumubusog sa kanya ng mga aral at pangaral sa buhay.
HOT, AW! – Ronnie Carrasco III
