Friday , August 12 2022

SMB kontra Alaska

121615 PBA SMB Alaska
TATLONG koponan ang nag-aagawan sa dalawang automatic semifinals berths ang sasalang sa magkahiwalay na laro ng PBA Philippine Cup mamaya sa Smart Araneta Coliseum sa Quezon City.

Magkikita ang nagtatanggol na kampeong San Miguel Beer at Alaska Milk sa ganap na 7 pm sa rematch ng finalists noong nakaraang season. Sa unang laro sa ganap na 4:15 pm ay magtutunggali naman ang Rain Or Shine at Meralco.

Ang Beermen, na may seven-game winning steak, ay nasa itaas ng standings sa record na 9-1. Tabla sa ikalawang puwesto ang Aces at Elasto Painters sa kartang 7-2. Ang Bolts ay may 1-9 record at siyang tanging koponang tuluyan nang nalaglag sa labanan.

Ito ang huling laro ng Beermen at Bolts. Matatapos ang elims sa Linggo.

Kapag nagwawagi ang Beermen ay didiretso na sila sa semifinals. Kung matatalo sila ay may posibilidad na magkaroon ng  three-way tie para sa unang puwesto sa pagtatapos ng elims.

Ito ay kung mananalo ang Aces at Elasto Painters sa huling laro nila. Sa Sabado ay makakasagupa pa ng AlaskaMilk ang Barako Bull at magduduwelo naman ang Elasto Painters at NLEX.

Ang Beermen ay pinamumunuan ng two-time Most Valuable Player na si June Mar Fajardo na sinusuportahan nina Arwind Santos, Alex Cabagnot, Chris Lutz at Chris Ross.

Ang Aces ay galing sa 111-105 pagkabigo sa Rain Or Shine noong Biyernes. Sila ay pinangungunahan  nina  Calvin Abueva, Joaquim Thoss, Cyrus Baguio, JVee Casio at Vic Manuel.

Anu’t anuman ang mangyari sa duwelo ng Beermen at Aces ay hawak naman  ng Elasto Painters ang kanilang kapalaran. Puwedeng dumiretso sa semis ang Elasto Painters kung magwawagi sila sa huling dalawang games kontra Bolts mamaya at NLEX sa Sabado.

Ang mga pambato ni RoS coach Yeng Guiao ay sina Jeff Chan, Gave Norwood, Beau Belga, Jericho Cruz at Maverick Ahanmishi.

Ang Bolts ni coach Norman Black ay may iisang panalo sa sampung laro at tuluyan nang nalaglag. Ito ang kanilang huling laro kung kaya’t nais nilang mag-iwan ng magandang alaala sa fans.

About hataw tabloid

Check Also

Christopher Castellano Elizsa Gayle Cafirma

Antipolo City, Rizal team lalahok sa Sen. Manny Pacquiao Tuna Festival chess meet

MANILA — Nagbigay ng kahandaan ang Antipolo City, Rizal team players na lalahok sa Sen. …

Chess

Prince Maverick naghari sa GM Balinas Training Center 1st Anniversary

NAGPAKITANG GILAS ang 19-anyos na si Prince Maverick Cornelio ng Poblacion, Pamplona matapos makaipon ng …

Dave Apolinario

Gideon Buthelezi tulog sa 1st round kay Pinoy prospect Dave Apolinario

IMPRESIBO ang ipinakita ni Filipino prospect Dave Apolinario nang patulugin niya sa 1st round ang dating …

Marlon Bernardino Avocadoria FIDE Rated Rapid Chess Tournament

NM Bernardino nagkampeon sa 1st  Ever Avocadoria FIDE Rated Rapid Chess Tournament

MARIKINA CITY—Tumapos si last-minute entry National Master Almario Marlon Quiroz Bernardino Jr. sa 11-Round tournament, …

3x3 Wheelchair Basketball ASEAN Para Games

PH cagers tinalo ang Indons sa 3×3 Wheelchair Basketball

SURAKARTA, Indonesia – Inasahan si Alfie Cabanog sa inside game para talunin ng Team Philippines …

Leave a Reply