Tuesday , August 9 2022

Muntik masilat ang Ginebra

110515 tim cone ginebra
MUNTIK nang masira ang record ng Barangay Ginebra na palaging nagwawagi sa mga out-of-town (out-of-the-country) games ng kasalukuyang PBA Philippine Cup noong Sabado nang sila ay nagkita ng Blackwater Elite sa Angeles University Foundation Gym sa Pampanga.

Mangyari’y kinailangan ng Gin Kings na dumaan sa butas ng karayom o dalawang overtime period bago talunin ang Elite, 102-94.

Sa totoo lang, kahit na wala yung pattern na nananalo sa out-of-town games ay pinapaboran ang Gin King kontra Elite bago pa man sila nagkita.

Aba’y mas maganda ang record ng koponan ni coach Tim Cone na may 4-4 karta. Ang team ni coach Leo Isaac ay may iisang panalo sa pitong games.

Siyempre, bukod doon, talaga namang nakalalamang sa lakas ng line-up ang Gin Kings. Maraming malalaking players ang Barangay Ginebra at mahirap na tapatan ang mga tulad nina Slaughter at Peter Aguilar. May dalawang dating Most Valuable Player ang Barangay Ginebra sa katauhan nina Mark Caguioa at Jayjay Helterbrand. At maraming iba pang estrella ang koponan. Naidagdag pa nga sina Joe De Vance at Jervy Cruz, hindi ba?

Pero hayun at muntik na nga silang madiskaril!

Dalawang beses na nagkaroon ng pagkakataon ang Elite na manalo. Sumablay lang sa kanyang free throws sa huling 4.6 segundo ng regulation si Jason Ballesteros samantalang nagmintis sa isang jumper si Art dela Cruz sa dulo ng unang overtime.

Ang Barangay Ginebra ay naisalba hindi ng mga higante kungdi ng mga maliliit na manlalarong sina LA Tenorio at Scottie Thompson na gumawa ng tig-isang three-point shots sa ilawang OT.

Bunga ng panalo ay nakapasok na ang Gin Kings sa quarterfnals at ngayon ay paghahandaan na nila ang susunod na yugto.

Well, kailangan nga siguro ng Gin Kings na dumaan sa ganitong mga pagsubok bago muling makapamayagpag.

SPORTS SHOCKED – Sabrina Pascua

About Sabrina Pascua

Check Also

Dave Apolinario

Gideon Buthelezi tulog sa 1st round kay Pinoy prospect Dave Apolinario

IMPRESIBO ang ipinakita ni Filipino prospect Dave Apolinario nang patulugin niya sa 1st round ang dating …

Marlon Bernardino Avocadoria FIDE Rated Rapid Chess Tournament

NM Bernardino nagkampeon sa 1st  Ever Avocadoria FIDE Rated Rapid Chess Tournament

MARIKINA CITY—Tumapos si last-minute entry National Master Almario Marlon Quiroz Bernardino Jr. sa 11-Round tournament, …

3x3 Wheelchair Basketball ASEAN Para Games

PH cagers tinalo ang Indons sa 3×3 Wheelchair Basketball

SURAKARTA, Indonesia – Inasahan si Alfie Cabanog sa inside game para talunin ng Team Philippines …

Buenaflor Cruz ASEAN Para Games Go for Gold

Hamon ni Buenaflor Cruz sa Pinoy bets “Go for Gold”

SURAKARTA, Indonesia – “Let’s go for the  gold!” ito ang hamon ni Buenaflor Cruz, ang …

MPBL OKBet Bacolod

Laro ng MPBL sa Bacolod City kinagiliwan ng manonood

TULAD ng pangako ng OKBet – nangungunang Pinoy gaming platform sa bansa – mas kinagiliwan …

Leave a Reply