This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
PATAY ang isang lalaki makaraang barilin ng dalawang lalaking sinasabing karibal ng biktima sa pagkakabit ng illegal connection sa koryente kamakalawa ng hapon sa Malabon City.
Agad binawian ng buhay ang biktimang si Danilo Zinampan, 41, residente ng Phase 3, Flovi Homes, Paradise Village, Brgy. Tonsuya ng nasabing lungsod.
Habang masusing iniimbestigahan ng mga awtoridad ang insidente upang matukoy ang pagkakakilanlan ng mga suspek.
Batay sa ulat nina PO3 Roger Gonzales at PO3 Alexander Dela Cruz, dakong 4:30 p.m. habang nakatayo ang bikTima sa Block 1, Damata, Letre Road, Brgy. Tonsuya nang dumating ang mga suspek at bigla siyang pinagbabaril.
Napag-alaman, sangkot sa pagkakabit ng ilegal na linya ng koryente sa kanilang lugar ang biktima kaya’t hinihinalang ang mga suspek ay karibal ni Zinampan sa nasabing gawain.
