This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
LIMANG taon kang pumapalakpak noon sa mga sinasabi mong palpak ngayon.
Ito ang buwelta ni Presidential Spokesman Edwin Lacierda sa inihayag na True State of the Nation Address (TSONA) ni Vice President Jejomar Binay kahapon.
Sa kanyang “True SONA” binatikos niya ang aniya’y palpak at manhid na administrasyong Aquino.
Habang ayon kay Budget Secretary Florencio Abad, hindi siya nakinig sa talumpati ni Binay ngunit umasa siyang tumpak at nakabatay ito sa ebidensiya gaya ng SONA ni Pangulong Aquino.
Sabi ni Abad, sana’y nakapagbigay ng insipirasyon sa hinaharap dahil kung hindi ay mapalad siyang ginugol na lamang ang oras sa trabaho kaysa makinig kay Binay.
“I did not listen to VP Binay. I hope he was as specific, factual and evidence-based as PNoy’s SONA. I hope he was as uplifting as PNoy was. I hope he inspired hope in the future. If not, I am lucky then to have used my time with work,” ani Abad.
Nauna nang inihayag ni Pangulong Aquino na totoong SONA ang kanyang inilahad kamakailan, kaya niyang panindigan at wala siyang record nang pagsisinungaling kaya umaasa siyang katotohanan lamang ang ihahayag ni Binay sa publiko at hindi puro panlilinlang.
“One would hope he would honor his pledge to serve people, and part of that is giving them the right information. Wala akong tradisyon o record na nagsisinungaling kanino man. I stand by what I said,” ayon sa Pangulo.
