This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
Matagal nang nakararating sa ating kaalaman ang talamak na operation ng mga miyembro ng salisi gang, bukas-kotse gang, at holdapan diyan sa Puregold Sucat malapit sa Multinational Village.
‘Yang area na ‘yan ay nasa harap mismo ng Parañaque Police Community Precinct (PCP) 3 na pinamumunuan ni C/Insp. Isagani Calacsan.
Hindi natin maintindihan kung bakit napakalakas ng loob ng mga kriminal para riyan pa gumawa ng kriminalidad sa harap ng Parañaque PCP 3.
Bakit nga ba, Major Alacsan ‘este’ Calacsan!?
Aba ‘e tahasang pang-iinsulto na ‘yan sa liderato mo bilang hepe ng PCP 3.
Mantakin ninyong harap-harapang nagsasagawa ng holdap, salisi at bukas-kotse?!
Kulang na lang ipagsigawan na “hoy mga pulis ng PCP 3, mga inutil kayo!”
Gaya na lang noong namataan natin na napakabilis na pangyayari isang alas-5:00 ng hapon nitong nakaraang linggo. Isang dalagita ang mabilis na naholdap. Ganoon lang, nakatakbo agad ang holdaper habang tulala ‘yung dalagita.
Sonabagan!!!
Overstaying Parañaque police chief, S/Supt. Ariel Andrade, ganyan ba ang police visibility sa area mo!?
May pulis para panoorin lang ang tumatakbong holdaper?!
Aba ‘e hindi ganyan ang gusto ni PNP chief, DG Ricardo Marquez?
Aba ‘e baka d’yan magwakas ang karera mo sa Parañaque, Kernel Andrade?!
Pakipasyalan naman ‘yang PCP 3 ninyo Kernel Andrade Sir, at mukhang malakas lang yata sa pagpapahinga sa kanyang opisna si Major Calacsan na specially recommended ni Charlie ‘D Bagman!
[divider]
Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
Matagal nang nakararating sa ating kaalaman ang talamak na operation ng mga miyembro ng salisi gang, bukas-kotse gang, at holdapan diyan sa Puregold Sucat malapit sa Multinational Village.
