PINANGALANAN na ng PCSO ang mga deklaradong kabayong lalahok sa PCSO National Grand Derby na lalarga sa Agosto 16 (Linggo).
Ang mga lalahok na 3-year old na mga lokal na kabayo na lalargahan sa distansiyang 1,600 meters ay sina Princess Ella (Val R. Dilema) at ang kakopol entri niyang RockMyWorld (JP. A. Guce), Sky Hook (Pat R. Dilema), Driven (K. B. Abobo), Epic (L. F. De Jesus) at Princess Meili (F. M. Raquel Jr.).
Ang magwawagi sa nasabing stakes race ay kakabig ng P800,000, P350,000 naman para sa segunda, P200,000 sa tersera at pagkakalooban ng P200,000 (breeder’s prize) para sa breeder ng magkakampeong kabayo.
