Friday , March 29 2024

Blatche lalaro uli sa Gilas (Para sa FIBA Asia)

 

063015 gilas pilipinas andray blatche

KINOMPIRMA kahapon ng executive director ng Samahang Basketbol ng Pilipinas na si Renauld “Sonny” Barrios na babalik si Andray Blatche sa Gilas Pilipinas para sa kampanya nito sa FIBA Asia Championships na gagawin sa Changsa, China, mula Setyembre 23 hanggang Oktubre 3.

Sa panayam ng programang Aksyon Sports sa Radyo Singko 92.3 News FM kahapon, sinabi ni Barrios na patuloy ang pakikipag-usap ng SBP kay Blatche na nakabase ngayon sa Tsina bilang import ng isang koponan sa Chinese Basketball Association.

Kasama ang tropa ni coach Tab Baldwin sa Group B kasama ang Palestine at Kuwait para sa FIBA Asia na qualifier para sa 2016 Rio Olympics.

Isa pang koponan mula sa East Asia ay ilalagay sa Group B at dahil dito ay makakaiwas nang maaga ang Gilas sa mga malalakas na kalaban tulad ng Tsina, Korea at Iran.

Matatandaan na tumapos bilang runner-up ang Gilas ni coach Chot Reyes sa huling FIBA Asia noong 2013 dito sa Pilipinas upang makuha ang isa sa tatlong puwestong nakalaan para sa Asya sa FIBA World Cup sa Espanya.

Ngunit iginiit ni Barrios na kahit mahina ang mga kalaban ng Gilas sa unang round, hindi basta-basta puwedeng maging sobrang kompiyansa ang koponan ni Baldwin na halos lahat ng mga manlalaro ay kasama sa PBA.

(James Ty III)

About hataw tabloid

Check Also

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …

Kheith Ryhnne Cruz TOPS Olympic

TOPS Olympic slots, target ni table tennis star Kheith Rhynne Cruz

MABIGAT ang hamon na kakaharapin ni Pinay table tennis phenom Kheith Ryhnne Cruz para sa …

30 bolang ginamit sa FIBA Qualifiers, ipinagkaloob sa Pasay LGU

30 bolang ginamit sa FIBA Qualifiers, ipinagkaloob sa Pasay LGU

NAG-DONATE kahapon, 20 Marso 2024, ng 30 bola ang Samahang Basketbolista ng Pilipinas (SBP) sa …

Reli de Leon Antonella Berthe Racasa

High Roller bida sa Triple Crown Stake

IBINABA lamang bilang fifth choice, ninakaw ng High Roller ni Lamberto “Jun” Almeda, Jr., ang …

Leave a Reply

Your email address will not be published. Required fields are marked *