Binabati ko ang lahat ng bumubuo sa samahan ng New Philippine Jockeys Association, Inc. (NPJAI) sa pangunguna ng kanilang presidente na si Gilbert Lagrata Francisco sa kanilang naging pakarera nitong nagdaang weekend sa pista ng Metro Turf Club, Inc. sa Malvar, Batangas.
Naging masaya ang karamihan ng mga BKs sa kanilang “1st Jockeys Foot Race Event” na nilargahan sa distansiyang 100 metro at pinagwagian ng isa sa mga batang hinete na nakasali na si Jonathan “King” Flores.
Sa naganap na katuwaan na takbuhan ay siya ang naging paborito dahil nga siya ang bata at tiyak na may mas mahabang hininga sa biritan sa pagtakbo.
Congrats muli sa inyong lahat at hangad ko na lumakas pa ang inyong samahan. Higit sa lahat ay hirit din nating mabigyang importansiya ang mga karerista at mga horse owners na namumuhunan ng malaki sa kanilang mga alaga.
REKTA – Fred L. Magno
