ni James Ty III
KAHIT ngayon lang ito sasabak sa PBA D League, sinigurado ng head coach ng baguhang ATC Livermarin na si Rodney Santos na kaya nitong makipagsabayan sa mga mas malalakas na koponan sa pagsisimula ng Foundation Cup sa Ynares Sports Arena sa Pasig City.
Unang makakaharap ng ATC ang AMA Computer University sa unang laro ng torneo simula ala-una ng hapon.
Dating manlalaro si Santos ng San Sebastian College sa NCAA bago siya sumikat sa PBA bilang manlalaro ng Purefoods , Alaska , Barangay Ginebra at Coca-Cola.
Siya ang hahawak sa ATC dahil sa school tie-up nito sa SSC bilang paghahanda para sa darating na NCAA Season 91 na magsisimula sa Hunyo.
Kalahati sa magiging lineup ng ATC ay manggagaling sa Stags tulad nina Leo de Vera, Bradwyn Guinto, Jamil Ortuoste at Jovit de la Cruz habang makakasama rin sa lineup sina Joseph Ambohot at Vince Laude ng Lyceum at Choy Ignacio na dating taga-Tanduay Rhum.
