This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
ISANG Filipino mula sa China ang namatay nitong Pebrero 14 dahil sa hinihinalang Avian flu o bird flu.
Sa pahayag na inilabas nitong Lunes ng hapon, inianunsyo ng Department of Health (DoH) na Pebrero 9 nang dumating sa bansa ang overseas Filipino worker (OFW) na anim taon nang nagtatrabaho sa China.
Nang sumunod na araw, nagkaroon siya ng ubo, lagnat, at pagsama ng tiyan dahilan para komunsulta sa doktor noong Pebrero 11 ngunit lumala pa ang kondisyon at namatay makalipas ang dalawang araw.
Ayon sa DoH, unang pinaghinalaang kaso ng Middle East Respiratory-Corona Virus (MERS-CoV) ang pasyente ngunit kalauna’y ikinonsidera itong kaso ng bird flu bunsod ng travel history ng OFW at pagiging lantad sa poultry doon.
Pinawi ng kagawaran ang pangambang makahawa ang pasyente.
Ayon sa DoH, sakali mang bird flu ang sakit ng biktima, wala nang posibilidad ng transmission dahil pumanaw na ang pasyente.
“Wala po tayong dapat ikabahala. Ngunit kinakailangan pa rin ang maigting na pagbabantay at patuloy na pagpapalaganap ng tamang impormasyon sa ating mga kababa-yan sa mga bansang nagtatala ng kaso ng bird flu or avian influenza,” ani DoH Acting Secretary Janette Garin.
ISANG Filipino mula sa China ang namatay nitong Pebrero 14 dahil sa hinihinalang Avian flu o bird flu.
