ni ARABELA PRINCESS DAWA
TATLONG woodpushers ang kinilala sa naganap na Philippine Sportswriters Association Annual Awards Night hatid ng MILO at San Miguel Corp sa 1Esplanade sa Pasay.
Ang mga pinarangalan sa nasabing formal affair na inisponsoran ng Meralco, Smart at MVP Sports Foundation, Inc. at ang Philippine Sports Commission ay sina Asia’s first Grandmaster Eugene Torre, International Master Paulo Bersamina, Mikee Charlene Suede.
Nalista sa Hall of Fame si 63-year old Torre na naging idolo ng mga chess players sa Pilipinas.
Si 16-year old Bersamina ay nakasama sa Milo Junior Athletes of the Year dahil sa pagkakapanalo niya sa U-20 event sa 15th Asean Age Group Chess Championships kung saan ay nakuha niya ang International Master title.
Dahil naman sa mga ipinakitang husay ni Suede sa mga international competitions nitong nakaraang taon ay nakatanggap din siya ng Major award galing sa pinakamatandang organisasyon ng media sa bansa.
