This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
NAARESTO na ng mga awtoridad ang serial holdaper at rapist na nanloob sa ilang establisemento sa Quezon City, sa follow-up operation ng mga tauhan ng Quezon City Police District (QCPD) kahapon ng umaga.
Sa pulong balitaan, iniharap nina Quezon City Mayor Herbert Bautista at QCPD director, Chief Supt. Joel Pagdilao ang suspek na si Mark Soque, 29, ng 1687 Riverside Extention, Brgy. Commonwealth, Quezon City.
Siya ay nadakip dakong 10:30 a.m. habang nag-aabang ng mabibiktima sa harap ng Ever Gotesco sa Commonwealth Avenue sa nasabing lungsod.
Nakompiska mula sa suspek ang isang granada, kalibre .45, isang sachet ng shabu, at motorsiklong gamit sa krimen na isang Yamaha.
Huling hinoldap at pinatay ng suspek ang isang Korean national na si Mi Kyoung Park nitong Lunes, Pebrero 9, 2015, sa loob ng Bean Leaf Coffee shop sa Holy Spirit Drive, Brgy. Holy Spirit, Quezon City.
Ayon sa pulisya, walong establisemento na ang hinoldap ng suspek sa lungsod na ito.
Sinasabing dalawa sa naging kustomer ng ilan sa kainang hinoldap ay hinalay ng suspek.
Ang suspek ay positibong kinilala ng isa sa mga biktima nang iharap sa kanya.
Hinahanap pa ng pulisya, ang isa pang suspek na kasabwat ni Soque.
NAARESTO na ng mga awtoridad ang serial holdaper at rapist na nanloob sa ilang establisemento sa Quezon City, sa follow-up operation ng mga tauhan ng Quezon City Police District (QCPD) kahapon ng umaga.
