Friday , March 29 2024

Pagsasakripisyo ng 44 SAF troopers, makabuluhan — Roxas

091114 mar roxas“NAGAMPANAN nila ang kanilang papel, dapat nating gampanan ngayon ang ating bahagi.”

Ito ang idiniin ni Interior and Local Government Secretary Mar Roxas sa komite ng Senado na nag-iimbestiga sa Mamasapano incident sa Maguindanao noong Enero 25.

Sa kanyang pahayag, kinikilala ni Roxas ang makabuluhang kabayanihan ng 44 miyembro ng Philippine National Police-Special Action Force na ginampanan ang kanilang mga tungkulin kahit isakripisyo pa ang mga buhay para sa bansa.

“Tungkulin natin na masiguro na ano man ang mga peligrosong misyon, ang mga ito ay may kabuluhan, na ang mga dapat gumawa nito ay may sapat na pagsasanay, kagamitan, at magawa natin ang lahat upang mapalaki ang tsansa na magtatagumpay sila,” sabi ni Roxas.

Nilinaw din niya na ipinadala ang mga operatiba ng SAF sa lubhang mapanganib na misyon nang hindi niya alam kaya inatasan niya ang binuong Board of Inquiry upang malaman kung pinagkalooban sila ng sapat na pangangailangan para tiyak na magtatagumpay.

Siniguro rin ni Roxas sa Senado na magpapatuloy ang imbestigasyon ng Board of Inquiry sa wasto at mabilis na paraan para mabatid ang tunay na pangyayari sa Mamasapano.

Ibabase ng fact-finding board sa pamumuno ni  P/Director Benjamin Magalong sa 374 panayam, 318 sinumpaang salaysay, mensahe at iba pang porma ng pagpapalitan ng mga nota at detalye na ibinigay sa PNP ang resulta ng pagsisiyasat. Mula nang itatag nitong Enero 26, gumugol ng 5,160 oras na pagtatrabaho para makolekta ang kailangang datos.

Nakatuon ang paunang ulat ng BOI sa rekonstruksiyon ng plano para madakip si Zulkifli bin Hir, alyas Marwan, at ang kasamahang si  Basit Usman. Kapwa sila kilabot na terorista na pinaghahanap ng maraming bansa at may kaukulang pabuya sa kanilang pagkadakip. 

Nagpasabog si Marwan ng limang bomba at kung ilang beses nakipagsagupa sa mga awtoridad na ikinamatay ng 46 katao at ikinasugat ng 207 iba pa sa Filipinas pa lamang. Suspek naman si Usman sa limang pambobomba na kumitil sa buhay ng 17 katao at pagkasugat ng 62 iba pa.

About hataw tabloid

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *